चारधाम यात्रा सुरु असून केदारनाथ, बद्रीनाथ मंदिरात भाविकांनी गर्दी केली आहे. भगवान शंकराच्या मंदिरात गेल्यावर प्रथम तिथे नंदीचं दर्शन होतं मग शंकराच दर्शन घेतलं जातं.
)
जगात एकमेव असं मंदिर आहे, जिथे महादेवासमोर नंदी नाही. हे मंदिर महाराष्ट्रातील प्रसिद्ध आणि धार्मिक शहरात आहे.
)
नाशिकमधील पंचवटी परिसरात हे अद्भूत मंदिर आहे. गोदावरी नदीच्या तिरावर वसलेलं कपालेश्वर महादेव मंदिरात नंदी पाहिला मिळतं नाही.
)
या ऐतिहासिक मंदिराबद्दल एक आख्यायिका आहे. महादेवांना ज्यावेळी ब्रह्महत्येचं पातक लागलं, त्यावेळी महादेवांनी या पातकापासुन स्व:ताची मुक्ती करुन घेण्यासाठी त्रिभुवन पालथं घातलं होतं.
)
पण त्यांचं पातक काही दूर होत नव्हतं. या पातकापासून कसं सुटणार या चिंतेच असताना नंदीनं त्यांना नाशिकच्या रामकुंडावर आणलं.
)
या रामकुंडात गोदावरी आणि अरुणा संगमात महादेवाने स्नान केलं. त्यानंतर महादेव पातक दूर होऊन ब्रम्हहत्येच्या दोषातून ते मुक्त झाले.
)
पातकाच्या संकटातून नंदीने आपली मुक्तता केली यामुळे महादेवाने नंदीला गुरू मानलं.
)
म्हणून या मंदिरात महादेवासमोर नंदीची स्थापना नाही. तर कपालेश्वर महादेवाच्या दर्शनात बारा ज्योतिर्लिंगाच्या दर्शनाचं पुण्य मिळतं अशी मान्यता आहे. (Disclaimer - वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही.)
Newsletter
