टॉम हॉलंड आणि झेंडया यांनी गुप्तपणे उरकला साखरपुडा? अंगठीमुळे चर्चांना उधाण

झेंडयाने गोल्डन ग्लोब अवॉर्ड्सच्या 82 व्या आवृत्तीत आपल्या लूकने सर्वांचे लक्ष वेधून घेतले. तिच्या डाव्या हातात चमकणारी हिऱ्याची अंगठी पाहून इंटरनेटवर लगेच अफवांचा धुमाकूळ उडाला. या अंगठीची चमक आणि आकारामुळे एंगेजमेंट रिंग असल्याची शक्यता दर्शवित होती. 

झेंडयाच्या अन्य दागिन्यांमध्ये उच्च दर्जाच्या बुल्गारी ज्वेलरीचा समावेश होता. प्लॅटिनम हाय ज्वेलरी नेकलेस, 48 कॅरेटपेक्षा जास्त डायमंड रिंग आणि स्टड कानातले यामुळे तिचा लूक अधिक भव्य आणि आकर्षक बनला होता. या लूकमुळे खूपचं उठून दिसत होती. परंतु सर्वांचे लक्ष तिच्या अंगठीकडेचं होते.

झेंडयाच्या अंगठीवर चाहत्यांनी विविध प्रतिक्रिया व्यक्त केल्या आहेत. एका नेटकऱ्याने लिहिले, 'ही एंगेजमेंट रिंग आहे का?' दुसऱ्याने लिहीले, 'रिंग!'. अनेक जणांनी तिच्या अंगठीला पाहून ही एंगेजमेंट रिंग असल्याचा अंदाज व्यक्त केला. यामुळे सोशल मीडियावर झेंडया आणि टॉमच्या साखरपुडा संदर्भातील अफवा आणखी जोर धरू लागल्या आहेत. ही अंगठी सुमारे $200,000 (1 कोटी 71 लाख रुपये) किंमतीची आहे, ज्यामुळे याबाबत अधिक चर्चा होत आहे.

टॉम हॉलंड सध्या त्याच्या आगामी प्रोजेक्ट्समध्ये व्यस्त आहे. तो पुढील 'स्पायडर-मॅन' चित्रपटांसाठी तयारी करत आहे, तसेच इतर मोठ्या प्रोजेक्ट्सवर देखील काम करत आहे. झेंडया देखील तिच्या करिअरमध्ये पुढे जात आहे, तिचा आगामी चित्रपट 'क्रिस्टोफर नोलन'च्या दिग्दर्शनाखाली आहे. तसेच, 'द ड्रामा' मध्ये रॉबर्ट पॅटिन्सनसोबत तिने काम करण्याचे कबूल केले आहे. याच्या कामाबद्दल झेंडया आणि टॉम हॉलंड दोघेही खूप उत्साही आहेत आणि एकमेकांपासून दूर असताना देखील ते आपली करिअर प्राधान्याने सांभाळत आहेत.

झेंडया आणि टॉम हॉलंड यांचा संबंध 'स्पायडर-मॅन'च्या सेटवरून सुरू झाला. या चित्रपटात पीटर पार्कर आणि एमजे यांच्या भूमिकांमध्ये त्यांची केमिस्ट्री प्रेक्षकांना खूप आवडली. त्या वेळीच त्यांच्या नात्याबद्दलच्या अफवा सुरू झाल्या होत्या, पण दोघांनीही त्यावेळी यावर काही स्पष्टपणे सांगितले नव्हते. 2022 मध्येही याच्याशी संबंधित एक मोठी अफवा आली होती, परंतु झेंडया हसत म्हणाली की, 'जर एंगेजमेंटची घोषणा केली तरी, मी ते सर्वांना कळवेल.'

झेंडया आणि टॉम हॉलंडचे संबंध किती गडद आहेत, हे ते दोघेच जाणतात. पण त्यांच्या अफवांमुळेच, त्यांच्या चाहत्यांच्या मनात नेहमीच एक उत्सुकता निर्माण होत राहते. झेंडया नेहमीचं अफवांवर पडदा घालत असते पण यावेळेस तिने अजून यावरती काही प्रतिक्रिया दिली नाही म्हणून हे खरं असल्याचे मानले जात आहे.  

परंतु गोल्डन ग्लोबच्या रेड कार्पेटवर झेंडयाच्या हिऱ्याच्या अंगठीने एक नवे वळण घेतले आहे आणि तिची अंगठी ही एंगेजमेंट रिंग आहे अशी अफवा पसरत आहे. पण त्या दोघांनी हे अजून स्पष्ट केले नाही म्हणून त्यांचा नात्याचा अंदाज बांघता येत नाही.