Weight Loss Tips : वजन कमी करताय? 'या' चुका टाळा, नाहीतर पश्चाताप होईल

अनेकांचाच अट्टहास आणि प्रयत्न असतो तो म्हणजे वजन कमी करण्यावर. आम्हाला सुदृढ व्हायचंय याऐवजी अनेकजण आम्हाला बारीक व्हायचंय हाच सूर आळवतात. (things not to do in Weight Loss journey read details )

हे सर्व करत असताना मग अजाणतेपणे काही अशा चुका घडतात, ज्या भविष्यात महागातही पडू शकतात. अशीच एक चूक म्हणजे आहारातून Carbohydrates बंद करणं. भात, पोहे, चपाती, उपमा असे पदार्थ न खाल्ल्यास तुम्हाला थकवा जाणवेल, शरीराला आवश्यक उर्जाही मिळणार नाही. 

हल्ली व्यायामाचे असंख्य प्रकार पाहायला मिळतात. पण, आपल्या शरीराला कोणत्या प्रकारचा व्यायाम पूरक आहे हेच ठरवण्यात चुका होत असल्यामुळं पुढे याचा मोठा फटका बसतो. त्यामुळं व्यायाम निवडण्यात चूक करू नका. 

अनेकदा उपवास ठेवण्याचं तंत्र आजमावत काही मंडळी वजन कमी करण्याचा प्रयत्न करतात. पण, जेव्हा प्रचंड भूक लागते तेव्हा मात्र बेसुमार गोष्टी खाऊन शरीराचं चक्रच बिघडवतात. ही सवय अजिबातच योग्य नाही. 

फक्त Proteins च्याच सेवनाला अनेकजण यादरम्यान प्राधान्य देतात. यावेळी काही गोष्टींची आवश्यकता असूनही शरीरात त्यांची पूर्तता होत नाही, ही सवय पुढे जाऊन महागात पडू शकते. 

थोडक्यात, वजन कमी करण्यात गैर काहीच नाही, पण ते करण्यापूर्वी आपलं शरीर, आपल्या गरजा आणि आपली भूक या साऱ्याबाबत तज्ज्ञांशी चर्चा करणं कधीही उत्तम.