पेट्रोल प्रती लिटर ₹84.10, डिझेल... ; पाहा आज सर्वात स्वस्त आणि सर्वात महाग इंधन कुठं मिळतंय?

Petrol Diesel Price 27July 2023: मुसळधार पावसाचं निमित्त साधत तुम्ही लांबलचक सुट्टी घेत एखाद्या ठिकाणी जाणार असाल किंवा पावसाच्या या दिवसांमध्ये तुम्हाला चारचाकी वाहनंच सोयीची वाटत असतील तर, आधी पेट्रोल- डिझेलचे दर पाहून घ्या.

 Petrol Diesel Price 27July 2023: कारण, कुठं हे दर वाढलेयत तर कुठं स्थिर असल्याचं पाहायला मिळत आहेत. 

नुकत्याच जाहीर झालेल्या माहितीनुसार कच्च्या तेलाचे दर प्रती बॅरल 85 डॉलर इतके असूनही पेट्रोल आणि डिझेलचे दर मात्र स्थित आहेत असंच म्हणावं लागेल. 

सध्याच्या घडीला देशात सर्वाधिक महाग पेट्रोल राजस्थानमधील श्रीगंगानगर येथे विकलं जात असून, प्रती लिटरसाठी 113.48 रुपये मोजावे लागत आहेत. तर एक लिटर डिझेलसाठी 98.24 रुपये मोजावे लागत आहेत. 

सर्वाधित स्वस्त पेट्रोल पोर्ट ब्लेअरमध्ये विकलं जात असून, इथं एका लिटरसाठी 84.10 रुपये आणि डिझेलसाठी 79.74 रुपये मोजावे लागत आहेत. इंधनाच्या दरात मोठा दिलासा असला तरीही राजस्थान, मध्य प्रदेश आणि ओडिशा येथे पेट्रोल प्रती लिटर 100 रुपयांच्या वर विकलं जात आहे. महाराष्ट्र, कर्नाटक, तेलंगणा, पंजाब या राज्यांचाही यात समावेश आहे. 

देशातील महत्त्वाच्या शहरांमध्ये इंधनाचे दर पाहिल्यास पाटण्यात पेट्रोल 107.24 रुपये आणि डिझेल 94.04 प्रति लिटर, मुंबईमध्ये 106.31 रुपये आणि डिझेल 94.27 रुपये प्रती लिटर, जयपूरमध्ये पेट्रोल 108.48 रुपये आणि डिझेल 93.72 रुपये प्रति लीटर, चेन्नईमध्ये पेट्रोल 102.63 रुपये आणि डिझेल  94.24 रुपये प्रती लिटर इतक्या दरानं विकलं जात आहे. 

घरबसल्या इंधनाचे दर तपासण्यासाठी तुम्ही HPCL चे ग्राहक असाल तर, HPPRICE <डीलर कोड> लिहून 9222201122 या क्रमांकावर पाठवा. इंडियन ऑईलचे ग्राहक असल्यास RSP<डीलर कोड> लिहून 9224992249 या क्रमांकावर पाठवा आणि बीपीसीएल (BPCL) चे ग्राहक असाल तर,  <डीलर कोड>  लिहून 9223112222 या क्रमांकावर पाठवा.