Turkey Earthquake: चिमुकले जीवही ढिगाऱ्याखाली; तुर्कीमधील अतीप्रचंड भूकंपाचे विचलीत करणारे Photo

तुर्की आणि सिरीयामध्ये आलेल्या या भूकंपामुळं अनेक इमारती पत्त्यांच्या बंगल्याप्रमाणं कोसळल्या. रिश्टर स्केलमध्ये या भूकंपाची तीव्रता 7.9 इतकी असल्याची नोंद करण्यात आली. 

भूकंपाचा हादरा इतका जबर होता की यामध्ये इमारती कोसळल्या आणि ढिगाऱ्याखाली अनेक नागरिक अडकले, यामध्ये चिमुकल्यांचाही समावेश होता. 

प्राथमिक स्तरावर समोर आलेल्या माहितीनुसार या भूकंपामुळं तुर्कीमध्ये 53 आणि सीरियामध्ये 86 जणांचा मृत्यू ओढावला आहे. आतापर्यंत जखमींचा आकडा जवळपास 200च्या घरात असून, मृतांचा आकडा वाढू शकतो अशी भीती बचाव पथकांकडून व्यक्त करण्यात येत आहे. 

दक्षिण युरोपमध्ये घडलेल्या या भूकंपामुळं युरोप, ग्रीस आणि मिडल ईस्टमध्येही सौम्य धरणीकंप जाणवले. 

दरम्यान, या भूकंपाची तीव्रता इतकी होती की इटलीमध्ये त्सुनामीचा इशारा देत नागरिकांना सावध करण्यात आलं. 

दक्षिण तुर्कीमध्ये असणाऱ्या गाजियानटेपमध्ये हा भूकंप आला. ज्याचं केंद्र जमिनीपासून 10 किलोमीटर खोल होतं.