कृष्णभक्तीत तल्लीन होत तरुणीनं सनातनी पद्धतीनं बांधली लग्नगाठ; तिला वधुरुपात पाहून सगळेच थक्क

Wedding Photos : एखाद्या व्यक्तीच्या लग्नाचे फोटो पाहणं ही अनेकांसाठीच पर्वणी असते. ही व्यक्ती ओळखीची असो किंवा नसो, त्या व्यक्तीच्या जीवनातील खास क्षणाचे फोटो पाहणं म्हणजे अनेकांसाठी निखळ आनंद. 

असेच एका खास लग्नसोहळ्याचे फोटो सोशल मीडियावर सध्या व्हायरल होत आहेत. हे फोटो आहेत कॉस्मेटोलॉजिस्ट सिआमाच्या लग्नाचे. 

कृष्णभक्तीत तल्लीन होणाऱ्या सिआमानं नुकतीच सनातनी पद्धतीनं लग्नगाठ बांधली आणि तिच्या या खास क्षणांना तिनं सर्वांसमक्षही आणलं. 

कृष्णवर्णीय सिआमानं तिच्या या लग्नसोहळ्यासाठी खास बनारसी साडीला पसंती दिली होती. या साडीला असणारी सोनेरी किनार आणि त्यासोबत तिनं निवडलेले दागिने तिच्या सौंदर्यामध्ये आणखी भर घालून केले. 

गळ्यासरशी असणारा सोन्याचा चोकर, माथापट्टी, नथनी, हातात बांगड्या, कपाळावर कृष्णनाम आणि चेहऱ्यावर एक मंद स्मितहास्य असा तिचा एकंदर लूक पाहायला मिळाला. 

सिआमा आणि तिच्या पतीनं लग्नासाठी अतिशय सुरेख पेहरावाला पसंती दिली होती. कृष्णभक्तीतच मुळात प्रेमाची अनुभूती असून याच अनुभूतीसह सिआमानं तिच्या खास नात्याची सुरुवात केली. 

सिआम आणि तिच्या जोडीदारानं कृष्णभक्तांच्या आणि मित्रपरिवाराच्या उपस्थितीत त्यांच्या सहजीवनाची सुरुवात केली. त्यांच्या या खास क्षणाचे साक्षीदार नेटकरीसुद्धा झाले. (सर्व छायाचित्र- सोशल मीडिया)