Virender Sehwag On Coaching : टीम इंडियाचा माजी विस्फोटक सलामीवीर फलंदाज वीरेंद्र सेहवाग आपल्या वक्तव्यामुळे चर्चेत असतो. सेहवागचा मार्मिक टोला अनेकांचं मनोरंजन करत आलाय. अशातच आता सेहवागने मोठं वक्तव्य केलंय.
)
एका मुलाखतीमध्ये बोलताना वीरेंद्र सेहवागने भारतीय संघाचा प्रशिक्षक बनण्याची इच्छा नसल्याचं सांगितलं आहे. त्यावेळी सेहवागने कारण देखील स्पष्ट केलं.
)
टीम इंडियाचा प्रशिक्षक नाही, पण आयपीएलच्या कोणत्याही संघाने प्रशिक्षकपदाची ऑफर आली तर मी नक्की बघेन, असं वीरेंद्र सेहवागने म्हटलं आहे.
)
कारण मी भारतीय संघाचा प्रशिक्षक झालो, तर माझ्याकडे पुन्हा 15 वर्षे क्रिकेट खेळतानाची जुनी दिनचर्या असेल. वर्षातील 8 महिने घराबाहेर राहावे लागेल, असंही सेहवाग म्हणतो.
)
माझी मुलं अजून लहान आहेत. ती 14 आणि 16 वर्षांची आहेत आणि त्यांना माझी गरज आहे, त्यामुळे मी आता जास्त दिवस घरापासून राहू इच्छित नाही, असं देखील सेहवाग म्हणालाय.
)
दरम्यान, वीरेंद्र सेहवागचा खास मित्र गौतम गंभीर सध्या टीम इंडियाचा मुख्य प्रशिक्षक आहे. 2018 पासून सेहवाग कोचिंगपासून दूर राहिलाय. त्यामुळे सेहवाग कोणत्या आयपीएल संघात सामील होणार? असा सवाल विचारला जातोय.
Newsletter
