Water frost on mars : मंगळ ग्रहाविषयीचे अनेक अनपेक्षित खुलासे आजवर आपल्यासमोर आले आहेत. यामध्ये आता आणखी एका भारावणाऱ्या निरीक्षणाची भर पडली आहे.
)
संपूर्ण जगात अवकाश आणि त्यासंबंधीच्या या निरीक्षणामध्ये NASA कडून सातत्यानं अशी माहिती समोर आणली जाते, जी पाहून अनेकांनाच विश्वास ठेवणंही कठीण जातं.
)
असं खरंच असू शकतं का? हा अनेकांचाच प्रश्न असतो. अशा या नासानं पुन्हा एकदा एक अद्भूत गोष्ट जगासमोर आणली आहे. ही गोष्ट म्हणजे मंगळावर असणारे बर्फाचे साठे.
)
नासानं प्रसिद्ध केलेल्या फोटो आणि माहितीनुसार मंगळावर असणाऱ्या काही सर्वाधिक उंचावरील ज्वालामुखीपाशी पाण्यापासून तयार झालेला बर्फ/ बर्फसदृश्य पदार्थ पाहण्यात आला आहे.
)
मंगळावरील थारसीस ज्वालामुखीपाशी ही गोष्ट आढळली असून, मंगळाच्या विषुववृत्तापाशी असल्याचं सांगितलं जात आहे.
)
मंगळावर पाण्यापासून तयार झालेला हा बर्फ आढळण्याची शक्यता शास्त्रज्ञांनी फार आधीच नाकारली होती. पण, उत्तर आणि दक्षिण ध्रुवापुरताच बर्फ सीमित नाही हे आता या फोटोंमुळं सिद्ध होत आहे.
)
मंगळावर सध्याच्या घडीला साधारण 150,000 टन इतक्या पाण्यापासून तयार झालेला Water Frost असून त्याचं क्षेत्रफळ ऑलिम्पिक खेळांमध्ये असणाऱ्या 60 जलतरण तलावांइतकं असल्याचं सांगितलं जात आहे.
)
मंगळावरील ज्वालामुखीसंदर्भात झालेला हा उलगडा आहे की नाही, थक्क करणारा? (सर्व छायाचित्र सौजन्य- नासा)
Newsletter
