'रेखा पुरुषांना इशारा देते,' जेव्हा संतापलेल्या नर्गिस दत्त यांनी केला होता गंभीर आरोप, जाणून घ्या 'तो' किस्सा

बॉलिवूड अभिनेत्री रेखा जरी चित्रपटांपासून दूर असली तरी ती नेहमीच सोशल मीडियावर चर्चेत असते. तिचे नाव अनेक कलाकारांसोबत जोडले गेले आहे. 

रेखाने अभिनेत्री नर्गिस यांचे पती आणि ज्येष्ठ अभिनेते सुनील दत्त यांच्यासोबत 'ये आग कब बुझेगी' आणि 'प्राण जाए पर वचन ना जाए' सारख्या चित्रपटांमध्ये काम केले होते.

अशातच रेखा आणि सुनील दत्त यांच्या अफेयरची चर्चा सुरु झाली होती. जेव्हा सुनीलचे नाव रेखासोबत जोडले तेव्हा अभिनेत्याच्या पत्नीला राग अनावर झाला. 

रिपोर्टनुसार, नर्गिस दत्त यांनी 1976 मध्ये दिलेल्या एका मुलाखतीत रेखाला कडक शब्दात सुनावले होते. तेव्हा ती खूप चर्चेत होती. 

मुलाखतीत नर्गिस म्हणाल्या होत्या की, रेखा पुरुषांना असे संकेत देते की ते लगेच तिच्याकडे आकर्षित होतात. जरी ती एखाद्याच्या नजरेत वाईट असली तरी. 

पुढे नर्गिस म्हणाल्या की, काही लोकांना मानसिक समस्या असतात. ती देखील पूर्णपणे हरवलेली असते. तिला आता एका साथीदाराची गरज आहे. 

त्यावेळी अशा देखील बातम्या होत्या की, रेखाचे अफेयर फक्त सुनील दत्त नाही तर त्यांचा मुलगा संजय दत्तसोबत देखील होते. दोघांनी एकत्र 'जमीन आसमान' चित्रपटात काम केलं आहे.