लाडकी बहीण योजनेचा जुलै महिन्यातील हफ्ता कधी जमा होणार? तारीख ठरली...

लाडकी बहीण योजनेचा जुलै महिन्यातील हफ्ता कधी जमा होणार? तारीख ठरली...

रक्षाबंधनापूर्वी लाडकी बहीण योजनेचा जुलै महिन्यातील हफ्ता जमा होण्याची घोषणा नीलम गोऱ्हे यांच्याकडून करण्यात आली आहे. 

रक्षाबंधन सणाच्या आधी राज्य सरकार लाडकी बहीण योजनेचा जुलै महिन्यातील हफ्ता बहिणींच्या खात्यात जमा करणार आहेत.  

९ ऑगस्ट २०२५ या अधिकृत तारखेला जूलै महिन्याचा १५०० रुपयांचा हफ्ता जमा होण्यासंबंधातील माहिती डॉ. नीलम गोऱ्हे यांनी दिली आहे. 

'लाडकी बहीण' ही राज्य सरकारची योजना अनेक महिलांचा आर्थिक आधारस्तंभ बनली आहे. या योजनेद्वारे लाखो महिलांच्या खात्यात दरमहा 1500 रुपये जमा करण्यात येतात. 

या योजनेचा जुलै महिन्यातील हफ्ता जमा न झाल्याने अनेक लाडक्या बहिणींची याबद्दल नाराजी होती मात्र राज्य सरकारने हा जूलै महिन्यातील हफ्ता रक्षाबंधन पूर्वी जमा होण्याची आता घोषणा करुन  लाखो बहिणींची नारजी दूर केली आहे. 

या योजनेसाठी  शासनाकडून 746कोटींचा निधी वितरीत करण्यात आला असून या वितरणासाठी बीम्स प्रणालीचा वापर करण्यात आला आहे.  

'लाडकी बहीण या योजनेचा अनेक महिलांना मोठ्या प्रमाणात  लाभ झाला असुन त्यांचे या योजनेमुळे आर्थिक सक्षमीकरणसुद्धा झाले आहे.   

रक्षाबंधनाच्या मुहूर्तावर या योजनेचा हफ्ता जमा करण्याच्या राज्य सरकारच्या निर्णयाचे नीलम गोऱ्हे यांच्याकडून कौतुक करण्यात आले असून त्यांनी या निर्णयाचे स्वागतही केले आहे. 

लाडकी बहीण योजनेबाबत माहिती देत त्यांनी 'ही योजना बंद होणार' असा चुकीचा प्रचार केल्याची टीकासुद्धा विरोधकांवर केली आहे.