...तर तुमच्या घरातील एसीचा स्फोट होईल, एक चूक आयुष्यभरासाठी पडेल महागात

AC Safety Guide: जर तुम्ही एसीचा वापर करत असाल तर नेमक्या कोणत्या कारणांमुळे स्फोट होऊ शकतो हे समजून घेणं गरजेचं आहे. जर तुम्ही काही सवयी आणि तांत्रिक त्रुटींकडे दुर्लक्ष केलं तर तुम्हाला मोठं नुकसान होऊ शकतं. कदाचित तुम्हाला जीवही गमवावा लागू शकतो. 

 

घरात जरा उकडू लागलं की काहीही विचार न करता एसी लावला जातो. आता एसीचा वापर फक्त उन्हाळ्यापुरता मर्यादित राहिला नसून, पावसाळ्यातही वापरला जातो. पण जेव्हा फार उकाडा असतो तेव्हा एसीमध्ये स्फोट होण्याच्या अनेक घटना समोर येतात. यासाठी काही गोष्टींची काळजी घेणं गरजेचं असतं जेणेकरुन हे स्फोट होणार नाहीत. 

 

जास्त तापल्याने स्फोट

एसी सतत अनेक तास चालवल्याने जास्त गरम होऊ शकते. जर एसीची वायरिंग जुनी असेल किंवा त्यात धूळ साचली असेल तर तो गरम होऊ शकते आणि आग लागू शकते अन् स्फोट होऊ शकतो.

 

गॅस लीक  

एसीमध्ये कूलिंगसाठी एक विशेष गॅस (जसे की R-22 किंवा R-410A) वापरला जातो. जर हा गॅस कोणत्याही कारणास्तव गळत असेल आणि जवळपास आग किंवा ठिणगी असेल तर स्फोट होऊ शकतो. गॅस गळती खूप धोकादायक असते आणि त्यामुळे गुदमरल्यासारखी परिस्थिती देखील निर्माण होऊ शकते.

 

कमी दर्जाचे भाग किंवा बनावट घटक

अनेकदा एसीमध्ये स्थानिक किंवा बनावट भाग बसवलेले असतात ज्यांची गुणवत्ता चांगली नसते. असे भाग लवकर खराब होऊ शकतात किंवा जास्त उष्णतेमध्ये फुटू शकतात. ज्यामुळे स्फोट होऊ शकतो.

व्होल्टेज चढ-उतार

जर तुमच्या घरात विजेचा व्होल्टेज वारंवार चढ-उतार होत असेल तर ते एसीला नुकसान पोहोचवू शकते. अचानक जास्त करंट आल्याने सर्किट जळू शकते आणि स्फोट होऊ शकतो.

एसीची सर्व्हिसिंग न करणं

जर एसी वेळोवेळी स्वच्छ आणि सर्व्हिसिंग केली नाही तर आत धूळ, घाण आणि ओलावा साचतो. यामुळे कार्यक्षमता बिघडते आणि तो फुटू शकतो.

एसीमध्ये होणारा स्फोट कसा टाळायचा?

नेहमी ब्रँडेड आणि आयएसआय मार्क असलेला एसी खरेदी करा. स्थानिक तंत्रज्ञांकडून एसी दुरुस्त करण्याऐवजी, कंपनीच्या व्यावसायिक तंत्रज्ञांकडून तो दुरुस्त करा. दर 6 महिन्यांनी एसीची सर्व्हिसिंग करा. व्होल्टेज स्टॅबिलायझर वापरा. ​​जर गॅस गळतीसारखा वास येत असेल तर ताबडतोब एसी बंद करा आणि तज्ञांना कॉल करा.