Shadashtak Yog : राहू-मंगळाचा धोकादायक षडाष्टक योग! 3 राशीच्या लोकांसाठी 'या' तारखेपासून पुढील 20 दिवस संकटाचे

Mangal Rahu Shadashtak Yog : राहू आणि मंगळ यांच्या युतीने धोकादायक असा षडाष्टक योग निर्माण होतोय. या योगामुळे काही राशींसाठी पुढील 20 दिवस संकटाचे असणार आहे. कोणत्या आहेत त्या राशी आणि कधीपासून हा योग सुरु होतोय पाहूयात.

Mangal Rahu Shadashtak Yog : ज्योतिषशास्त्रात ग्रह आणि नक्षत्रावरून काही योग निर्माण होत असतात. हे योग कधी नकारात्मक तर कधी सकारात्मक असतात. या योगामुळे मानवी जीवनावर मोठा परिणाम होत असतो, असं ज्योतिषशास्त्रात सांगण्यात आले आहे. ज्योतिषशास्त्रानुसार या महिन्यातील 18 तारखेपासून राहू ग्रह मीन रास सोडून कुंभ राशीत प्रवेश करणार आहे. त्या वेळी मंगळ ग्रह हा कर्क राशीत असणार आहे. अशा स्थितीत राहू हा मंगळापासून आठव्या घरात आणि मंगळ राहूपासून सहाव्या घरात असणार आहे. ज्योतिषशास्त्रानुसार पाहू मंगळच्या या स्थितीमुळे धोकादायक षडाष्टक योग निर्माण होणार आहे. या धोकादायक योगामुळे तीन राशीच्या लोकांच्या आयुष्यात वादळ येणार आहे. 

मेष रास

राहू आणि मंगळाचा षडाष्टक योग तुमच्यासाठी चांगला असणार आहे. या योगाच्या निर्मितीमुळे जीवनात संघर्ष वाढणार आहे. या योगाच्या निर्मितीमुळे, तुमच्या राशीचा स्वामी मंगळ देखील नीच राशीत आहे, त्यामुळे तुमच्यात आत्मविश्वासाची कमतरता असेल. करिअरच्या क्षेत्रात, तुमच्या कामातील चुका अनावश्यकपणे निदर्शनास आणून दिल्या जाऊ शकतात. सहकाऱ्यांशीही वाद होण्याची शक्यता आहे, सावधगिरी बाळगा. कौटुंबिक जीवनात, तुमच्या आईच्या आजारपणामुळे तुम्हाला काळजी वाटेल. गाडी चालवतानाही खूप काळजी घ्यावी लागते. यावर उपाय म्हणून तुम्ही हनुमान चालीसा पाठ करावी. 

कर्क रास 

षडाष्टक योग तुमच्या आयुष्यात अनेक समस्या निर्माण करू शकतो. विशेषतः मानसिक तणावाची परिस्थिती उद्भवू शकते. या राशीच्या लोकांना एक अज्ञात भीती त्रास देईल. तुम्हाला तुमच्या रागावर नियंत्रण ठेवावे लागेल अन्यथा कुटुंबातील सदस्यांशी आणि जवळच्या लोकांशी तुमचे संबंध बिघडू शकतात. कामाच्या ठिकाणी कामाचा ताण वाढल्यामुळे समस्या निर्माण होतील. तुमच्या मेहनतीचे योग्य फळ न मिळाल्याने तुम्ही निराशही होऊ शकता. तुम्हाला तुमच्या आरोग्याची देखील काळजी घ्यावी लागेल. यावर उपाय म्हणून, भगवान शिवाची पूजा करा. 

कुंभ रास 

राहू तुमच्या राशीत भ्रमण करेल आणि मंगळाची आठवी दृष्टी कुंभ राशीवर असेल. म्हणून, परिस्थिती थोडी वेगळी असू शकते. पैशांशी संबंधित बाबींमध्ये तुम्हाला काळजी घ्यावी लागेल, व्यवहार सुज्ञपणे करावे लागतील. या काळात, गरजेपेक्षा जास्त कोणावरही विश्वास ठेवणे टाळा, तुमची फसवणूक होऊ शकते. जर तुम्ही तुमच्या आरोग्याबाबत निष्काळजी असाल तर तुम्ही मोठ्या आरोग्य समस्येला बळी पडू शकता. वैवाहिक जीवनातही तणावाची परिस्थिती निर्माण होऊ शकते. यावर उपाय म्हणून, कुंभ राशीच्या लोकांनी मंगळवारी शिवलिंगाला जल अर्पण करावे आणि दान करावे. 

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)