)
Venus Transit 2023: शुक्राला ज्योतिषशास्त्रामध्ये ऐश्वर्य तसंच सौंदर्याचा कारक मानलं जातं. ज्या व्यक्तींच्या कुंडलीमध्ये शुक्र शुभ असतो त्या व्यक्तींना शारीरिक, मानसिक तसंच आर्थिक अनेक सुख-सुविधा मिळतात. येत्या 6 एप्रिल 2023 रोजी शुक्र ग्रह स्वतःचीच राशी वृषभ राशीमध्ये प्रवेश करणार आहे. प्रवेश केल्यानंतर 2 मे पर्यंत तो राशीत राहणार आहे.
दरम्यान शुक्राचं हे परिवर्तन काही राशींवर अद्भुत प्रभाव टाकणार आहे. कोणत्या राशींवर या परिवर्तनाचा शुभ परिणाम दिसून येणार आहे, ते पाहुयात.
मेष राशीच्या व्यक्तींसाठी शुक्राचं संक्रमण खूप शुभ राहणार आहे. या काळामध्ये तुमच्या सर्व इच्छा पूर्ण होण्यास मदत होईल. याशिवाय कोणच्याही बाबतीत तुम्ही योग्य निर्णय घेऊ शकाल. आर्थिक संकटाचा सामना करावा लागणार नाही. कामानिमित्त तुमचा लांब प्रवास होणार आहे.
शुक्राच्या या परिवर्तनामुळे वृषभ राशीच्या व्यक्तींना अनेक नवीन संधी मिळू शकणार आहेत. यावेळी तुमच्या मनाप्रमाणे कोणत्याही गोष्टीचे निकाल लागू शकणार आहे. शुक्राचं हे परिवर्तन संमिश्र परिणाम देणार आहे. कोणतंही नवं काम मात्र या काळात सुरु करू नये.
कन्या राशीच्या व्यक्तींसाठी शुक्राचं हे परिवर्तन फायदेशीर ठरणार आहे. यावेळी या राशीच्या व्यक्तींना परदेशात जाण्याची संधी मिळू शकते. तसंच नशीबाची पूर्णपणे साथ मिळू शकणार आहे. आर्थिक समस्या दूर होण्यास मदत होईल.
शुक्राचं परिवर्तन हे मकर राशींनाही चांगला परिणाम देणार आहे. या राशीच्या व्यक्तींना करिअरमध्ये उत्तम भरारी मिळू शकते. या काळामध्ये तुम्ही प्रत्येक कामामध्ये पैशांची बचत करू शकणार आहात.
शुक्राचं हे परिवर्तन कुंभ राशीच्या व्यक्तींसाठी उत्तम असणार आहे. या काळात नोकरीच्या ठिकाणी तुम्हाला अनेक चांगल्या संधी मिळणार आहेत. पैशांच्या बाबतीत चांगली बचत करू शकाल. व्यवसायात देखील तुम्हाला चांगला फायदा होणार आहे. मुख्य म्हणजे, यावेळी नशी तुमच्या सोबत असणार आहे.
(Disclaimer: येथे दिलेली माहिती सामान्य माहितीवर आधारित आहे. ZEE 24 TAAS त्याची पुष्टी करत नाही.)
Newsletter