अभिषेक शर्माने शतकाचे क्रेडिट दिले टीम इंडियाच्या 'या' खेळाडूंना , सामन्यानंतर मानले आभार

Abhishek Sharma: सनरायझर्स हैदराबादला शनिवारी महत्त्वाचा विजय मिळवून दिल्यानंतर बोलताना अभिषेक शर्माने टीम इंडियाच्या दोन खेळाडूंना क्रेडिट देत त्या खेळाडूचे आभार मानले.

Abhishek Sharma Statement After Victory, SRH vs PBKS: पंजाब किंग्ज (PBKS) विरुद्धच्या सामन्यात सनराइजर्स हैदराबाद (SRH) ने दमदार विजय मिळवला. सनराइजर्स हैदराबादचा सलामीवीर अभिषेक शर्माने १४१ धावांची शानदार खेळी केली. या खेळीनंतर अभिषेक शर्माने त्याचा या खेळीचे क्रेडिट टीम इंडियाच्या दोन खेळाडूंना दिले आहे. तर अभिषेक शर्माने मार्गदर्शक युवराज सिंग आणि सूर्यकुमार यादव यांचे आभार मानले. या सामन्यापूर्वी धावा काढण्यास संघर्ष करणाऱ्या अभिषेकने पंजाबविरुद्ध १४ चौकार आणि १० षटकार मारले. अभिषेकच्या या खेळीमुळे हैदराबादने आयपीएलच्या इतिहासात दुसऱ्या क्रमांकाचा सर्वाधिक धावांचा पाठलाग करण्याचा विक्रम केला.

शतक ठोकल्यानंतर अभिषेकने मानले दोघांचे आभार 

अभिषेक म्हणाला, "संपूर्ण टीम माझ्या पालकांची वाट पाहत आहेत. ते संघासाठी आणि ऑरेंज आर्मीसाठी खूप भाग्यवान आहे." तो त्याबद्दल अजिबात बोलला नाही, त्याला फक्त स्वतःला व्यक्त करायचे होते आणि त्याचा उत्तम खेळ खेळायचा होता.  बोलताना, अभिषेक शर्माने टीम इंडियाचे माजी दिग्गज अष्टपैलू खेळाडू युवराज सिंग आणि सूर्यकुमार यादव यांचेही आवर्जून नाव घेतले. तो म्हणाला, "मी विशेषतः युवी पाजी (Yuvraj Singh) शी सतत बोलत राहतो आणि सूर्यकुमार यादव भाई (Surya Kumar Yadav) यांचेही आभार मानू इच्छितो. मी नेहमीच त्याच्या संपर्कात राहतो आणि ते  नेहमीच माझ्यासाठी असतात."  

हे ही वाचा: "मला तुझ्यासोबत राहायचंय..." शिखर धवनच्या नवीन गर्लफ्रेंडने जगजाहीर केलं नातं, Video Viral

Abhishek Sharma credits Yuvraj Singh & Surya Kumar Yadav after producing one of the greatest #TATAIPL knocks #TATAIPL | #SRHvPBKS | @IamAbhiSharma4 | @YUVSTRONG12 | @surya_14kumar pic.twitter.com/feXGczTKdZ

— IndianPremierLeague (@IPL) April 12, 2025

हे ही वाचा: मैदान बनली युद्धभूमी...! ऑस्ट्रेलियन खेळाडूच एकमेकांशी भिडले, मैदानातील भांडणाचा Video Viral

खराब फॉर्मबद्दल काय म्हणाला अभिषेक? 

पंजाबविरुद्धच्या धमाकेदार खेळीनंतर अभिषेक शर्माने खराब फॉर्मबद्दल आपले विचार मांडले. तो म्हणाला, "एखाद्या खेळाडूसाठी अशा फॉर्ममधून जाणे सोपे नसते. मी फलंदाजीत फारशी चांगली कामगिरी करत नव्हतो, तरीही संघ आणि कर्णधाराकडून एक छोटासा संदेश देण्यात आला. मी ट्रॅव्हिस हेडशी फलंदाजीबद्दलही बोललो आणि तो आमच्या दोघांसाठीही खास दिवस होता." 

हे ही वाचा: KKR विरुद्धच्या पराभवाला कोण जबाबदार? पाचव्या पराभवानंतर धोनीने दिली प्रतिक्रिया, म्हणाला "आज मला जाणवले की..."

'असा' रंगला सामना  

सामन्यात प्रथम फलंदाजी करताना पंजाब किंग्जने २४५ धावा केल्या. २४६ धावांच्या या धावसंख्येच्या पाठलागात, अभिषेक शर्मा आणि ट्रॅव्हिस हेड यांनी सनरायझर्स हैदराबादला चांगली सुरुवात करून दिली. अभिषेक आणि हेडमध्ये पहिल्या विकेटसाठी १२.२ षटकांत १७१ धावांची भागीदारी झाली. हेडने ३७ चेंडूत ६६ धावा केल्या. हेनरिक क्लासेन २१ धावांवर नाबाद राहिला, तर इशान किशन ९ धावांवर नाबाद राहिला.