पाकिस्तानच्या या खेळाडूने विराट कोहलीचा रेकॅार्ड तोडला, ICC च्या ODI रॅंकिंगमध्ये कोहलीला मागे टाकत प्रथम क्रमांकावर

मुंबई : पाकिस्तानी खेळाडू बाबर आजमने विराट कोहलीचे 1258 दिवसांचे शासन संपवले. आणि तो ICC च्या ODI मॅचमध्ये विराट कोहलीला मागे टाकत प्रथम क्रमांकावर पोहोचवला आहे. विराट कोहली आणि बाबर आजम हे असे दोनच खेळाडू आहेत ज्यांचा क्रिकेटच्या तिन्ही फॉर्मेटमध्ये टॉप -6 मध्ये समावेश आहे. वनडे सीरीजमध्ये बाबर आझम पहिल्या स्थानावर आहे, टी -20 मध्ये तिसरा आणि कसोटी सामन्यात सहावा आहे. दुसरीकडे, वनडे सीरीजमध्ये कोहली दुसर्‍या, टी -20 मध्ये पाचवा आणि कसोटी सामन्यात पाचवा आहे.

दक्षिण आफ्रिकेविरुद्धच्या वनडे सीरीजमध्ये बाबर आझमने 3 सामन्यांत 76 च्या सरासरीने 228 धावा केल्या आहेत, ज्यामध्ये शतक आणि अर्धशतकांचा समावेश आहे. या सीरीजमध्ये बाबर आजमने 76 व्या डावात 13 एकदिवसीय शतके ठोकण्याचा विक्रम रचला. याआधी कोणताही खेळाडू 80 पेक्षा कमी डावांमध्ये हा विक्रम करू शकला नव्हता.

दक्षिण आफ्रिकेच्या हाशिम अमलाने 83 डावात हे केले आहे. याशिवाय विराट कोहली आणि दक्षिण आफ्रिकेचा क्विंटन डी कॉक या दोघांनीही अनुक्रमे 86-86 डावांमध्ये हा विक्रम केला आहे.

दक्षिण आफ्रिकेविरूद्ध 194 आणि 101 धावांची खेळी करणारा फखर जमांही सातव्या क्रमांकावर पोहोचला आहे. हे त्याच्या कारकीर्दीतील सर्वोत्कृष्ट रँकिंग आहे.