Danish Kaneri on discrimination in Pakistan: पाकिस्तानमध्ये धर्माच्या आधारे भेदभाव केल्यामुळे आपली कारकीर्द उद्ध्वस्त झाल्याचा दावा पाकिस्तानचा माजी क्रिकेटपटू दानिश कनेरियाने केला आहे. अमेरिकेतील वॉशिंग्टन डीसी येथे बोलताना दानिश कनेरिया यांनी पाकिस्तानातील अल्पसंख्याकांना भेडसावणाऱ्या आव्हानांवर खुलेपणाने भाष्य केले. दानिश कनेरियाच्या म्हणण्यानुसार, त्याने आणि इतर अल्पसंख्याक लोकांनी पाकिस्तानमधील गैरवर्तनाचे त्यांचे अनुभव शेअर केले आणि भेदभावाविरुद्ध आवाज उठवला.
दानिश कनेरियाचा असा आरोप आहे की, पाकिस्तान क्रिकेट संघातील त्याचा माजी सहकारी शाहिद आफ्रिदीने त्याच्यावर इस्लाम धर्म स्वीकारण्यासाठी वारंवार दबाव टाकला होता. दानिश कनेरियाने खुलासा केला की इंझमाम-उल-हक आणि शोएब अख्तर यांसारख्या काही खेळाडूंनी त्याला पाठिंबा दिला, तर शाहिद आफ्रिदीसह इतर सहकारी खेळाडूंनी त्याच्यासाठी गोष्टी कठीण केल्या. त्याने त्याच्यासोबत रात्रीचे जेवण देखील टाळले.
#WATCH | Washington, DC | On the Congressional Briefing on 'plight of minorities in Pakistan', Danish Kaneria, the last Hindu cricketer to play for Pakistan internationally, says, "Today, we discussed how we had to go through discrimination. And we raised our voices against all… pic.twitter.com/elCcqtpbbI
— ANI (@ANI) March 12, 2025
एएनआयशी बोलताना दानिश कनेरिया म्हणाला, "मला खूप भेदभावाचा सामना करावा लागला आणि माझे करिअर उद्ध्वस्त झाले. मला पाकिस्तानमध्ये जो सन्मान मिळायला हवा होता तो मला मिळाला नाही. या भेदभावामुळे मी आज अमेरिकेत आहे. आम्ही जागरूकता वाढवण्यासाठी बोललो आणि अमेरिकेला कळू द्या की आम्ही किती सहन केले जेणेकरून कारवाई करता येईल.'
"I faced discrimination, my career was destroyed...", says former Pakistan cricketer Danish Kaneria
— ANI Digital (@ani_digital) March 12, 2025
Read @ANI Story | https://t.co/trwEPEuV8O#DanishKaneria #US #ShriThanedar #Pakistan pic.twitter.com/4KElJL1sYP
पाकिस्तानसाठी आंतरराष्ट्रीय स्तरावर खेळणारा शेवटचा हिंदू क्रिकेटपटू दानिश कनेरिया याने पाकिस्तानमधील अल्पसंख्याकांच्या दुरवस्थेबाबत काँग्रेसच्या ब्रीफिंगमध्ये सांगितले, " आज आम्ही भेदभावातून कसे जावे लागले यावर चर्चा केली आणि या सर्व गोष्टींविरोधात आम्ही आवाज उठवला. माझ्याबाबतीतही अशा घटना घडल्या आहेत. माझी कारकीर्द उद्ध्वस्त झाली आणि मला पाकिस्तानमध्ये समान सन्मान मिळाला नाही. म्हणूनच आम्ही इथे अमेरिकेत आहोत. आम्हाला फक्त जनजागृती करायची होती."
Newsletter