फोगाट परिवाराला धक्का, पराभव सहन न झाल्यानं उचललं टोकाचं पाऊल

फोगाट कुटुंबाच्या घरी दु:खद घटना, पराभव पचवता न आल्यानं मृत्यूला कवटाळलं

मुंबई: क्रिडा विश्वातून मन हेलावून टाकणारी धक्कादायक बातमी येत आहे. फोगाट परिवारावर दु:खाचा डोंगर कोसळला आहे. दंगल गर्ल आणि प्रसिद्ध कुस्तीपटू गीता आणि बबिता फोगाट यांच्या बहिणीनं टोकाचं पाऊल उचललं. या घटनेमुळे मोठी खळबळ उडाली आहे.

गीता आणि बबिता फोगाट यांच्या बहिणीनं आत्महत्या केली आहे. कुस्तीमध्ये पराभव झाल्यानं तिने जीवन संपवण्याचा निर्णय घेतल्याची माहिती मिळाली आहे. पराभव सहन न झाल्यानं हे धक्कादायक पाऊल उचललं. त्यामुळे फोगाट कुटुंबावर दु:खाचा डोंगर कोसळला.

गीता आणि बबितानं जिद्द न हारता कुस्तीतून आपलं नावं कमवलं. त्यांच्या पावलावर रितिकानेही पाऊल ठेवत कुस्ती स्पर्धेत उतरण्याचा निर्णय घेतला. त्यासाठी तिने खूप परिश्रमही घ्यायला सुरुवात केली होती. नुकताच रितिकाने राज्यस्तरीय कुस्ती स्पर्धेत भाग घेतला होता. ही स्पर्धा 12 ते 14 मार्च रोजी भरतपूर इथे पार पडली. 

Haryana | Ritika, wrestler and cousin of Babita Phogat, died allegedly by suicide on March 17. The reason behind it might have been her defeat at a recent wrestling tournament in Rajasthan. Investigation underway: Ram Singh Bishnoi, DSP, Charkhi Dadri pic.twitter.com/bLDZbsS3gT

ANI (@ANI) March 18, 2021

Terrible news that we lost #RitikaPhogat who had a brilliant career ahead. The world has changed from where it was some decades ago. Athletes are facing pressures which were not there earlier. An essential part of their training should be to deal with these pressures.

Vijay Kumar Singh (@Gen_VKSingh) March 18, 2021

मिळालेल्या माहितीनुसार 17 वर्षांच्या रितिकाला अंतिम सामन्यात अपयश आलं. हा पराभव पचवता न आल्यानं तिने टोकाचं पाऊल उचललं आहे. रितिका 5 वर्षांपासून महावीर फोगाट यांच्याकडे प्रशिक्षण घेत होती. 14 मार्च रोजी झालेल्या अंतिम सामन्यात रितिकाचा पराभव झाला. त्यानंतर तिने गळफास घेऊन आत्महत्या केल्याची धक्कादायक माहिती समोर आली आहे.

राज्यस्तरीय सब ज्युनियर स्पर्धेत रितिका फोगटने 53 किलो गटात भाग घेतला. पण स्टेट चॅम्पियनशिप फायनलमध्ये तिला केवळ एका गुणानं पराभव पत्करावा लागला. या पराभवामुळे रितिका इतकी निराश झाली की तिने आयुष्य संपवण्याचा निर्णय घेतला. रितिकाच्या मृत्यूमुळे सध्या कुस्तीच्या जगात शोकांकूल वातावरण आहे.