)
ICC New Rules in Test Cricket: क्रिकेटचं विश्व सतत बदलत असतं आणि हे बदल खेळ आणखी रोचक बनवतात. अनेक नियम वेळेनुसार, खेळाडूंच्या वागणुकिणीसार नवीन नियम आणणे आवश्यक असते. अशाच एका नव्या बदलाचा अनुभव आता टेस्ट क्रिकेटमध्ये पाहायला मिळणार आहे. आयसीसीने टेस्ट मॅचेसमध्येही 'स्टॉप क्लॉक' नियम लागू केला आहे. हा नियम वनडे आणि टी-20 मॅचमध्ये आधीपासूनच आहे, पण आता तो टेस्ट क्रिकेटमध्येही लागू करण्यात आला आहे.
नव्या नियमानुसार, फील्डिंग करणाऱ्या संघाने एका ओव्हरच्या शेवटीनंतर एक मिनिटाच्या आत पुढचा ओव्हर सुरू करण्यासाठी तयार असायला हवं. जर संघ वेळेत तयार नसला, तर अंपायर त्या टीमला दोन वेळा वॉर्निंग देतील.
जर दोन वेळा वॉर्निंग दिल्यानंतरही संघ वेळेचा आदर करत नसेल, वेळेत पुढील ओव्हर सुरु करत नसेल तर त्याला दंड बसणार. हा दंड साधासुधा नसून थेट 5 रनची पेनल्टी फील्डिंग टीमवर लावली जाईल. याचा अर्थ असा की फलंदाजी करणाऱ्या संघाच्या खात्यात पाच अतिरिक्त धावा जमा होतील.
हा नियम 80 ओव्हरपर्यंत लागू राहणार असून त्यानंतर वॉर्निंग्स रिसेट केल्या जातील. याचाच अर्थ असा की पुन्हा नव्यानं वॉर्निंग दिल्या जातील.
या प्रकरणाचे ताजे उदाहरण म्हणजे इंडिया वि. इंग्लंड टेस्ट मॅचमध्ये अंपायर्सनी बेन स्टोक्स आणि शुभमन गिलला वेळेच्या बाबतीत वॉर्निंग दिली होती.
हा नियम आता अधिकृतपणे 2025-27 वर्ल्ड टेस्ट चॅम्पियनशिप (WTC) पासून लागू करण्यात आलेला आहे.
Newsletter