)
India vs England 4th Day: भारत विरुद्ध इंग्लंडच्या लॉर्ड्स टेस्टमध्ये चवथ्या दिवशी पुन्हा एकदा धक्कादायक प्रसंग घडला. मोहम्मद सिराजने इंग्लंडच्या बेन डकेटचा विकेट घेताच मैदानावर तापलेलं वातावरण आणखीच गरम झालं. विकेट साजरी करताना सिराज चक्क डकेटजवळ गेला आणि दोघांचे खांदे जोरात आपटले. यानंतर अंपायरने सिराजला बोलावून समज दिली आणि वॉर्निंगही दिली.
याआधी तिसऱ्या दिवशी सामना संपण्याच्या शेवटच्या 5 मिनिटांमध्येही मैदानावर वाद झाला होता. शुभमन गिलने इंग्लंडच्या ओपनर्सवर राग काढला. डकेट आणि झॅक क्रॉली यांच्याशी गिलची जोरदार भांडण झाली होती. गिलने उंगली दाखवत त्यांना सुनावलं होतं. त्यानंतर चवथ्या दिवशी सकाळी सिराजने पुन्हा या वादाला तोंड फोडलं.
चवथ्या दिवशी सकाळपासून भारताने इंग्लंडवर जबरदस्त दबाव टाकला. मोहम्मद सिराजने बेन डकेटचा झटपट विकेट घेतला. डकेटचं कॅच जसप्रीत बुमराहने लपकलं आणि त्यानंतर सिराजने मैदानातच जोरदार साजरा केला. याच दरम्यान डकेटच्या अगदी जवळ जाऊन सिराजने सेलिब्रेशन केलं आणि त्यांचा खांदा डकेटला आपटला. त्यामुळे थोडक्यात दोघांमध्ये धक्काबुक्की होणार की काय अशी स्थिती निर्माण झाली होती.
ही घटना घडताच अंपायरने सिराजला थांबवलं आणि शांततेचा सल्ला दिला. सोशल मीडियावर या घटनेचा व्हिडिओ जोरदार व्हायरल होत आहे. सिराजची ही आक्रमकता चाहत्यांमध्ये चर्चेचा विषय ठरत आहे.
THE AGGRESSION FROM DSP SIRAJ AFTER DISMISSING DUCKETT. pic.twitter.com/AehUlhE29t
— Mufaddal Vohra (@mufaddal_vohra) July 13, 2025
सिराजने डकेटनंतर ओली पोपलाही माघारी धाडलं. इंग्लंडची अवस्था 50 रन्सच्या आतच बिकट झाली. जसप्रीत बुमराहही तुफान मारा करत आहे. नितीश रेड्डीनेदेखील एक विकेट घेतली. आता जो रूट आणि हॅरी ब्रूकवर साऱ्या इंग्लंडची जबाबदारी आहे.
Newsletter