DC vs SRH highlights, IPL 2024 : दिल्लीला आपल्या होमग्राउंडवरच पछाडलं. हैदराबादचा 67 धावांनी विजय

DC vs SRH highlights, IPL 2024 : आयपीएल 2024 च्या 35 व्या सामन्यात आज दिल्लीच्या अरूण जेटली मैदानावर दिल्ली कॅपिटल्ससमोर, तगड्या सनरायझर्स हैदराबादचे आव्हान असणार आहे.

Delhi Capitals vs Sunrisers Hyderabad Live Score in Marathi: ऋषभ पंतच्या दिल्लीसमोर, पॅट कमिन्सच्या हैदराबादचे आव्हान असणार आहे. सनरायझर्स हैदराबादचा संघ आयपीएल 2024 मध्ये अगदी वेगळ्याच फॉर्ममध्ये दिसत आहे. या सिजनमध्ये हैदराबादने तगड्या चेन्नईला, मुंबईला आणि बंगळुरूला पराभूत केले आहे, तर पॉइंट्स टेबलमध्ये पण सनरायजर्सचा संघ 8 पॉइंट्ससोबत चौथ्या क्रमांकावर आहे. तर दिल्ली कॅपिटल्सचा संघ 6 पॉइंट्सोबत सहाव्या क्रमांकावर आहे. आज अरूण जेटली स्टेडियमवर साऱ्या दर्शकांचे लक्ष हैदराबादच्या फलंदाजीवर असणार तर दिल्लीचे लक्ष सनरायझर्सच्या फलंदाजाना रोखण्यावर, तर अशात बघण्यायोग्या गोष्ट असणार की आजच्या या सामन्यात कोणता संघ बाजी मारणार?

20 April 2024

20 April 2024 23:12 PM

सनरायझर्स हैदराबादने, दिल्लीचे होमग्राउंड असलेल्या अरूण जेटली स्टेडियमवर आपली ताकद दाखवत दिल्ली कॅपिटल्सवर 67 धावांनी मोठा विजय मिळवला आहे. या विजयासोबतच हैदराबाद हा पॉइंट्स टेबलमध्ये दुसऱ्या क्रमांकावर आली आहे. 

20 April 2024 22:35 PM

15 ओव्हरनंतर हैदराबादचा स्कोर 166-5 आहे . ऋषभ पंत हा 19 धावांवर खेळत असून ललित यादव हा नटराजनच्या 15 व्या ओव्हरमध्ये 7 च्या स्कोरवर बाद झाला आहे. दिल्लीला पंतकडून आता एका दमदार खेळीची आवश्यकता आहे. 

20 April 2024 22:33 PM

13 व्या ओव्हरमध्ये आशिष रेड्डीने ट्रिस्टन स्टब्सला फक्त 10 धावांवर तंबूत परत पाठवलं आहे. पाचव्या विकेटनंतर ललित यादव हा फलंदाजीसाठी आला आहे.

20 April 2024 22:18 PM

10 ओव्हरनंतर दिल्ली कॅपिटल्सचा स्कोर 138-4 असा आहे. ऋषभ पंत हा 2 धावांवर खेळत असून, ट्रिस्टन स्टब्स हा 6 वर नाबाद आहे. या स्थितीतून दिल्लीला जिंकण्यासाठी 60 बॉलमध्ये 129 धावांची गरज आहे.

20 April 2024 22:15 PM

मयंक मार्कंडेने परत एकदा 9 व्या ओव्हरमध्ये अभिषेक पोरेल याला आपल्या फिरकीच्या जाळ्यात अडकवत 42 धावांवर बाद केलं आहे. चौथ्या विकेटनंतर कॅप्टन ऋषभ पंत हा फलंदाजीसाठी आला आहे.

20 April 2024 22:07 PM

मयंक मार्कंडे याने 7 व्या ओव्हरमध्ये ताबडतोब फलंदाजी करत असलेल्या फ्रेजर मॅक्गर्कला 65 धावांवर तंबूत परत पाठवलं आहे. तिसऱ्या विकेटनंतर ट्रिस्टन स्टब्स हा फलंदाजीसाठी आला आहे.

20 April 2024 22:03 PM

फ्रेजर मॅक्गर्कने फक्त 15 बॉलमध्ये 5 चौके आणि 5 षटकारांच्या मदतीनं आपलं ताबडतोब अर्धशतक पूर्ण केलं आहे. दिल्लीला येथून जिंकण्यासाठी 79 बॉलमध्ये 159 रन लागणार आहेत.

20 April 2024 21:49 PM

5 ओव्हरनंतर दिल्ली कॅपिटल्सचा स्कोर 81-2 असा आहे. फ्रेजर मॅक्गर्क दमदार खेळी खेळत 46 धावांवर खेळत आहे, तर अभिषेक पोरेल हा सुद्धा 15 धावांवर त्याचे साथ देत आहे.   

20 April 2024 21:44 PM

भूवनेश्वर कुमारच्या दुसऱ्या ओव्हरमध्ये दिल्लीचा धाकड फलंदाज डेविड वॉर्नर हा फक्त 1 धाव करून आउट झाला आहे. पहिल्या विकेटनंतर अभिषेक पोरेल हा फलंदाजीसाठी आला आहे.

20 April 2024 21:35 PM

पृथ्वी शॉ याने पहिल्याच ओव्हरमध्ये पहिल्या चार बॉलमध्ये चार चौकार मारत, पाचव्या बॉलवर सुंदरच्या गोलंदाजीवर आपली विकेट गमावली आहे. पहिल्या विकेटनंतर फ्रेजर मॅक्गर्क हा फलंदाजीसाठी आला आहे. 

20 April 2024 21:18 PM

20 ओव्हरनंतर सनरायझर्स हैदराबादने दिल्लीसमोर 267 धावांचे कठिण आव्हान दिलं आहे. अरूण जेटली मैदानाच्या सपाट पिचवर हैदराबादच्या फलंदाजांनी चांगलेच हात साफ केलेl. हेड याने 89, अभिषेक शर्माने 46, नीतीश रेड्डीने 37, तर शहबाज अहमदने नाबाद 59 धावा केल्या आहेत. दिल्लीकडून कुलदीप यादव गोलंदाजीचा हिरो बनला आहे. त्याने आपल्या चार ओव्हरमध्ये 55 रन देत 4 विकेट घेतल्या आहेत, तर एक विकेट अक्षर पटेलच्या नावावर आहे आणि एक विकेट मुकेश कुमारच्या नावावर आहे.

आता बघण्यायोग्य गोष्ट असणार की, दिल्ली आपल्या होमग्राउंडवर हैदराबादला धुळ चारते की, याउलट सनरायझर्स हैदराबाद, दिल्लीचा किल्ला मानल्या जाणाऱ्या अरूण जेटली स्टेडियममध्ये आपला विजयी मोर्चा सुरू ठेवणार?

20 April 2024 20:57 PM

कुलदीप यादवच्या 17 व्या ओव्हरमध्ये आशिष रेड्डीच्या स्वरूपात आपली चौथी विकेट घेतली आहे. रेड्डी हा 37 धावांवर कॅच आउट झाला आहे. पाचव्या विकेटनंतर अब्दूल समद हा फलंदाजीसाठी आला आहे.

20 April 2024 20:39 PM

15 ओव्हरनंतर हैदराबादचा स्कोर 205-4 असा आहे. नीतीश रेड्डी हा 26 धावांवर खेळत असून, त्याचे साथ शाहबाज अहमद 24 धावांवर देत आहे. या दोघं फलंदजांमध्ये 51 ची भागीदारी झाली आहे. 

20 April 2024 20:21 PM

10 ओव्हरनंतर हैदराबादचा स्कोर 158-4 असा आहे. 9 व्या ओव्हरमध्ये अक्षर पटेलच्या गोलंदाजीवर क्लासेन हा 15 धावांवर बाद झाला आहे. चौथ्या विकेटनंतर शहबाज अहमद हा फलंदाजीसाठी आला आहे.

20 April 2024 20:16 PM

9 व्या ओव्हरमध्ये कुलदीप यादवने आपली तिसरी विकेट घेतली आहे. ट्रॅविस हेडची 89 धावांची तूफानी खेळीला शांत करत  हेड तंबूत परतला आहे. तिसऱ्या विकेटनंतर रेड्डी हा फलंदाजीसाठी आला आहे.

20 April 2024 20:02 PM

7 ओव्हरनंतर सनरायझर्सच्या फलंदाजांनी दिल्लीच्या गोलंदाजीचा धुव्वा उडवला आहे. अभिषेक शर्मा आणि ट्रॅविस हेड यांच्या शतकीय भागीदारीमुळे हैदराबाद मजबुत स्थितीत दिसत आहे. पण कुलदीपच्या 7 व्या ओव्हरमध्ये मात्र अभिषेक (46) आणि एडण मारक्रम (1) हे दोघं फलंदाज बाद झाले आहे. 7 ओव्हरनंतर हैदराबादचा स्कोर 134-2 असा आहे.

20 April 2024 19:08 PM

दिल्लीचा टॉस जिंकून प्रथम गोलंदाजीचा निर्णय

दिल्ली कॅपिटल्स प्लेइंग 11 -

डेव्हिड वॉर्नर, जेक फ्रेझर-मॅकगर्क, अभिषेक पोरेल, ऋषभ पंत (W/C), ट्रिस्टन स्टब्स, अक्षर पटेल, ललित यादव, कुलदीप यादव, ॲनरिक नॉर्टजे, खलील अहमद, मुकेश कुमार

सनरायझर्स हैदाराबाद प्लेइंग 11 -

अभिषेक शर्मा, ट्रॅव्हिस हेड, एडन मार्कराम, हेनरिक क्लासेन (W), अब्दुल समद, नितीश रेड्डी, शाहबाज अहमद, पॅट कमिन्स (C), भुवनेश्वर कुमार, मयंक मार्कंडे, टी नटराजन

20 April 2024 18:53 PM

DC vs SRH head to head -

दिल्ली कॅपिटल्स आणि सनरायझर्स हैदाराबाद हे दोघं संघ आतापर्यंत आयपीएलच्या इतिहासात एकूण 23 वेळेस आमनेसामने आले आहेत. यामध्ये दिल्लीने 11 वेळेस हैदराबादला पराभूत केलय, तर हैदाराबादने पण दिल्लीला 12 वेळेस धुळ चारली आहे. तर आजच्या सामन्यात कोणता संघ वरचढ ठरणार हे साऱ्या फॅन्ससाठी उत्सुकतेचा विषय बनलेला आहे.