LIVE Blog ENG Vs NZ : स्पर्धेतील पहिला सामना गेल्या हंगामातील वर्ल्डकप विजेते इंग्लंड आणि उपविजेते न्यूझीलंड यांच्यात होणार आहे. हा सामना अहमदाबाद येथील नरेंद्र मोदी स्टेडियम दुपारी 2 वाजता रंगणार आहे.
न्यूझीलंडसाठी बॅक टू बॅक शतकं आली आहे. डिवॉन कॉन्वेनंतर आता रचिन रविंद्र याने देखील वादळी खेळी करत सेंच्यूरी पूर्ण केली.
न्यूझीलंडचा सलामीवीर डिवॉन कॉनवे याने पहिल्याच सामन्यात धमाकेदार शतक ठोकलं आहे. त्यामुळे आता न्यूझीलंडचा विजय सोपा झालाय.
न्यूझीलंडच्या 100 धावा पार झाल्या आहेत. कॉर्नवे अन् रचिन रविंद्र यांनी अर्धशतक पूर्ण केलंय.
283 धावांचं आव्हान पार करताना न्यूझीलंडची सुरूवात खराब झालीये. विल यंगला भोपळाही फोडता आला नाही.
इंग्लंडला 8 वा धक्का बसला असून इंग्लंडने 45 ओव्हरमध्ये 250 धावा केल्या आहेत. त्यामुळे आता 300 चं लक्ष्य बिकट झाल्याचं चित्र आहे.
इंग्लंडला 7 वा धक्का बसला असून चांगल्या फॉर्ममध्ये असलेला जो रूट 77 धावा करून बाद झालाय.
जोस बटलर बाद झाल्याने इंग्लंडचा अर्धा संघ तंबुत परतला आहे. मात्र दुसरीकडे जो रुट तुफान फलंदाजी करत असून त्याने 70 धावांचा टप्पा ओलांडला आहे. इंग्लंडचा संघ 38 ओव्हरनंतर 221 वर 5 गडी बाद या स्थितीत आहे.
जो रुटने आपलं अर्धशतक साजरं केलं आहे. तर दुसरीकडे जॉस बटलरनेही आक्रमक फलंदाजीला सुरुवात केली आहे. इंग्लंडची धावसंख्या 31 ओव्हरनंतर 171 वर 4 गडी बादपर्यंत पोहचली आहे.
27 ओव्हरनंतर इंग्लंडचा स्कोअर 150 वर चार गडी बाद इतका आहे. जॉनी ब्रेस्ट्रो, डेविड मिलान, हॅरी ब्रूक, मोईन अली तंबूत परतले आहेत. जो रुट आणि जॉस बटलर सध्या फलंदाजी करत आहेत.
इंग्लंडचा सलामीवीर जॉनी ब्रेस्टोव्ह 33 धावा करुन तंबूत परतला. मिचेल स्टॅनरच्या गोलंदाजीवर डेरल मिचेलकरवी जॉनी झेलबाद झाला. जॉनी तंबूत परतताना इंग्लंडची धावसंख्या 12.5 षटकांमध्ये 64 ला 2 गडी बाद अशी आहे.
न्यूझीलंडने वर्ल्डकप 2023 च्या पहिल्या सामन्यात टॉस जिंकला. कर्णधार टॉम लॅथम टॉस जिंकून प्रथम गोलंदाजीचा निर्णय घेतला आहे. इंग्लंडचा संघ पहिल्यांदा फलंदाजी करणार आहे.
वर्ल्डकपच्या पहिल्या सामन्यातील नाणेफेक भारतीय वेळेनुसार दुपारी दीड वाजता होणार आहे. आज न्यूझीलंडचा कर्णधार केन विल्यमसन खेळणार नसल्याने टॉम लॅथम न्यूझीलंडचं नेतृत्व करणार असून इंग्लंडकडून कर्णधार जोस बटलर संघाचं नेतृत्व करणार आहे.
इंग्लंडचा स्टार फलंदाज बेन स्टोक्स पहिला सामना खेळण्यावर प्रश्नचिन्ह उपस्थित झालं आहे. स्टोक्स दुखापतग्रस्त आहे. त्यामुळे पहिल्या आणि महत्त्वाच्या सामन्यात तो बाहेर बसण्याची शक्यता आहे.
LIVE update ENG Vs NZ : एकदिवसीय विश्वचषकाच्या इतिहासात आतापर्यंत न्यूझीलंड आणि इंग्लंड यांच्यात 10 सामने खेळले गेले आहेतयामध्ये दोन्ही संघ ५-५ सामने जिंकण्यात यशस्वी ठरले आहेत.
जोस बटलर (कॅप्टन), मोईन अली, गुस ऍटकिन्सन, जॉनी बेअरस्टो, सॅम कुरन, लियाम लिव्हिंगस्टोन, डेविड मलान, आदिल रशीद, जो रूट, हॅरी ब्रूक, बेन स्टोक्स, रीस टोपली, डेव्हिड विली, मार्क वुड आणि ख्रिस वोक्स.
LIVE update ENG Vs NZ : इंग्लंड विरुद्ध न्यूझीलंड सामन्याला दुपारी 2 वाजता सुरुवात होणार आहे. तर 1 वाजून 30 मिनिटांनी टॉस होणार आहे.
LIVE Blog ENG Vs NZ : न्यूझीलंड आणि इंग्लंड हे दोन्ही संघ सध्या चांगल्या फॉर्ममध्ये असून न्यूझीलंडने आपले दोन्ही सराव सामने जिंकून दमदार सुरूवात केली आहे. इंग्लंडने देखील आपल्या दोनपैकी एक सराव सामना जिंकला.
यंदाच्या वर्ल्डकपचे सामने प्रेक्षकांना मोबाईलवर फुकटात पाहता येणार आहे. स्टार स्पोर्ट्स या क्रिडावाहिनीवर प्रेक्षकांना वर्ल्डकपचे सामने पाहता येतील. याशिवाय मोबाईलवर डिज्नी प्लस हॉटस्टार अँपद्वारे देखील सामन्यांचा थरार पाहता येणार आहे.
Thank you
By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts.
