)
WTC Final 2023 IND vs AUS Live Score: वर्ल्ड टेस्ट चॅम्पियनशिपच्या पहिल्याच दिवशी नाणेफेक जिंकत भारतीय संघानं गोलंदाजी करण्याचा निर्णय घेतला. पण, संघाच्या वतीनं कर्णधार रोहित शर्मा यानं घेतलेला हा निर्णय काही अंशी संघाला फळल्याचं दिसलं नाही. पहिल्या दिवसअखेर ऑस्ट्रेलियाच्या संघानं दमदार कामगिरी करत धावसंख्या 3 गडी बाद 327 धावांवर नेऊन ठेवली.
साधारण 10 वर्षांनंतर भारतीय क्रिकेट संघ आयसीसीच्या एखाद्या स्पर्धेच्या अंतिम सामन्यात पोहोचल्यामुळं आता दुसऱ्या दिवशी तरी Team India सामन्यावर पकड मिळवते का हे पाहणं महत्त्वाचं ठरणार आहे. मुळात अश्विनला संघातून वगळल्यानंतर आता ज्या गोलंदाजांवर आणि इतर खेळाडूंवर रोहितनं विश्वास ठेवला आहे ते सर्व, हा विश्वास सार्थ ठरवतात का हे पाहणंही तितकंच महत्त्वाचं.
Newsletter
