IND vs IRE Live Blog : टीम इंडियाच्या कॅप्टनची धडाकेबाज फिफ्टी, रचला इतिहास

T20 World Cup India vs Ireland Live Score : आजपासून टीम इंडियाच्या मिशन वर्ल्ड कपला सुरूवात होत आहे. पहिला सामना आयर्लंडविरुद्ध खेळवला जाणार आहे.

T20 World Cup 2024 IND vs IRE Match Live Score : सध्या सुरू असलेल्या टी-ट्वेंटी विश्वचषक 2024 च्या आठव्या सामन्यात आज भारताचा सामना अ गटात आयर्लंडविरुद्ध होत आहे. न्यूयॉर्कमधील नासाऊ काउंटी आंतरराष्ट्रीय क्रिकेट स्टेडियमवर हा सामना खेळला जातोय. अशातच आज टीम इंडिया विजयाचा श्रीगणेशा करणार का? असा सवाल विचारला जातोय. आयर्लंड लिंबू टिंबू संघ ओळखला जात असला तरी त्यांनी कमी लेखून जमणार नाही. आयर्लंडने पाकिस्तानचा पराभव केला होता. त्यामुळे टीम इंडियाकडून दमदार कामगिरीची अपेक्षा असेल.

05 June 2024

05 June 2024 22:34 PM

टीम इंडियाचा कॅप्टन रोहित शर्मा याने धमाकेदार अर्धशतक ठोकलं आहे. गेल्या पाच वर्ल्ड कपमध्ये विराट कोहलीच्या नावावर पहिली फिफ्टी ठोकण्याचा रेकॉर्ड होता. मात्र, यंदाच्या टी-ट्वेंटी वर्ल्ड कपमध्ये रोहित शर्माने पहिलं अर्धशतक ठोकलंय. हाताला बॉल लागल्याने रोहित शर्माला मैदान सोडावं लागलं.

05 June 2024 21:58 PM

टी20 वर्ल्ड कपमध्ये आयर्लंडने भारतासमोर विजयासाठी 97 धावांचं आव्हन ठेवलं आहे. याला उत्तर देताना भारताने पहिली विकेट गमावली आहे. विराट कोहली अवघी 1 धावा करुन बाद झाला. भारतीय डावाची सुरुवात रोहित शर्मा आणि विराट कोहलीने केली.भारताने 26 धावांवर पहिली विकेट गमावली

05 June 2024 21:27 PM

भारताच्या भेदक गोलंदाजीसमोर आयर्लंडचा संघ 100 धावांच्या आत गारद झाला. आयर्लडने 96 धावा केल्या. भारतातर्फे हार्दिक पांड्याने सर्वाधिक 3 विकेटे घेतल्या, तर जसप्रीत बुमराह आणि अर्शदीप सिंहने प्रत्येकी दोन विकेट घेतल्या. मोहम्मद सिराज आणि अक्षर पटेलने एक-एक विकेट घेतली.

05 June 2024 21:17 PM

भारतीय वेगवान गोलंदाजांसमोर आयर्लंडची दाणादाण उडाली आहे. अवघ्या 77 धावात 9 विकेट गेल्या आहेत. बुमराहने अवघ्या 6 धावात दोन विकेट घेतल्यात.

05 June 2024 21:08 PM

आयर्लंडला आठवा धक्का बसला आहे. अवघ्या 58 धावात आयर्लंडने 8 विकेट गमावल्या आहेत. ऑलराऊंडर अक्षर पटेलने आयर्लंडला आठवा धक्का दिला

05 June 2024 20:51 PM

जसप्रीत बुमराह, अर्शदीप सिंह, हार्दिक पांड्या आणि मोहम्मद सिराज या भारताच्या वेगवान चौकडी समोर आयर्लंडच्या फलंदाजांनी अक्षरश: शरणागती पत्करली आहे. पन्नास धावांच्या आतच आयर्लंडने सहा विकेट गमावल्यात. जॉर्ज डॉकरेलची विकेट घेत मोहम्मद सिराजने आयर्लंडला सहावा धक्का दिला.

05 June 2024 20:47 PM

आयर्लंडला पाचवा धक्का बसला आहे. पन्नास धावांच्या आतच आयर्लंडचा निम्म संघ पॅव्हिलिअनमध्ये परतला आहे. हार्दिक पांड्याने कॅम्फरची विकेट घेतली. हार्दिकची ही दुसरी विकेट ठरलीय.

05 June 2024 20:44 PM

भारताच्या भेदक गोलंदाजीसमोर आयर्लंडी भंबेरी उडाली आहे. अवघ्या 44 धावांवर आयर्लंडने चार विकेट गमावल्यात. जसप्रीत बुमराहने चौथा धक्का दिला. बुमराहने हैरी टेक्टरची विकेट घेली. बुमराहच्या गोलंदाजीवर टेक्टर विराट कोहलीकडे झेल देऊन बाद झाला

05 June 2024 20:37 PM

ऑलराऊंडर हार्दिक पांड्याने टीम इंडियाला तिसरं यश मिळवून दिलं आहे. हार्दिकने टकरची विकेट घेतली. टकरने 13 चेंडूत 10 धावा केल्या. आयर्लंडने 33 धावात 3 विकेट गमावल्यात.

05 June 2024 20:16 PM

IND vs IRE Live Blog :

पहिली फलंदाजी करणाऱ्या आयर्लंडला दुसरा धक्का बसला आहे. भारताचा वेगवान गोलंदाज अर्शदीप सिंगने एकाच षटकात दोन विकेट घेतल्या. सलामीला आलेल्या पॉल स्टर्लिंगची विकेट घेतल्यानंतर षटकाच्या शेवटच्या चेंडूवर सलामीवीर एन्डी बालबर्नी याला क्लीन बोल्ड केलं.आयर्लंडने 9 धावात दोन विकेट गमावल्यात.

05 June 2024 20:12 PM

IND vs IRE Live Update

टी20 वर्ल्ड कपमध्ये भारत आणि आयर्लंड दरम्यान सामना खेळवला जात आहे. टीम इंडियाचा कर्णधार रोहित शर्माने टॉस जिंकून आयर्लंडला पहिली फलंदाजी दिली. भारताच्या भेदक गोलंदाजीसमोर आयर्लंडची संथ सुरुवात झालीय. सामन्याच्या  तिसऱ्याच षटकात अर्शदीपने आयर्लंडला पहिला धक्का दिला. सलामीला आलेला पॉल स्टर्लिंग एक धाव करुन बाद झाला

05 June 2024 19:46 PM

टॉस जिंकून टीम इंडियाचा कॅप्टन रोहित शर्मा याने गोलंदाजीचा निर्णय घेतला आहे.

टीम इंडिया (प्लेइंग इलेव्हन) : रोहित शर्मा (C), विराट कोहली, ऋषभ पंत (WK), सूर्यकुमार यादव, शिवम दुबे, हार्दिक पंड्या, रवींद्र जडेजा, अक्षर पटेल, जसप्रीत बुमराह, अर्शदीप सिंग, मोहम्मद सिराज.

आयर्लंड (प्लेइंग इलेव्हन) : पॉल स्टर्लिंग (C), अँड्र्यू बालबर्नी, लॉर्कन टकर (WK), हॅरी टेक्टर, कर्टिस कॅम्फर, जॉर्ज डॉकरेल, गॅरेथ डेलेनी, मार्क एडेअर, बॅरी मॅककार्थी, जोशुआ लिटल, बेंजामिन व्हाइट.