CSK vs LSG highlights, IPL 2024 : चेपॉकतच्या मैदानात सर्वात मोठी रन चेस, लखनऊचा 6 विकेट्सने विजय

CSK vs LSG Live Score, IPL 2024 : आयपीएल 2024 च्या 39 व्या सामन्यात आज चेन्नईच्या एम ए चिदंबरम स्टेडियममध्ये चेन्नई सुपर किंग्ससमोर लखनऊ सुपर जाएंट्सचे (Chennai Super Kings vs Lucknow Supergiants) आव्हान असणार आहे.

Chennai Super Kings vs Lucknow Super Giants Live Score in Marathi:  ऋतुराज गायकवाडच्या नेतृत्वाखाली खेळणारी सीएसके या आयपीएलमध्ये उत्कृष्ट प्रदर्शन करत आहे. पॉइंट्स टेबलमध्ये 7 सामन्यात चेन्नई 8 पॉइंट्ससोबत चौथ्या क्रमांकावर आहे, तर के एल राहूलच्या कॅप्टन्सीखाली खेळणारी लखनऊ सुपर जाएंट्स ही 7 सामन्यात 4 मॅच जिंकून 8 पॉइंट्ससोबत पाचव्या क्रमांकावर आहे. तर आज बघण्यायोग्य गोष्ट असणार की, लखनऊ आज चेन्नईच्या होमग्राउंडवर विजय मिळवू शकते की नाही, कारण या सिजमनध्ये आतापर्यंत आपल्या होमग्राउंडवर चेन्नई सुपर किंग्सने एकही सामन्यात पराभव पत्कारलेला नाहीये, अशातच आज कोणता संघ वरचढ ठरणार हे यावर साऱ्यांचे लक्ष लागलेले आहे.  

23 April 2024

23 April 2024 23:18 PM

लखनऊच्या मार्कस स्टॉयनिसने 56 बॉलमध्ये 9 चौकार आणि 5 षटकारांसोबत आपलं तूफानी शतक पूर्ण केलयं. लखनऊला या स्थितीतून 12 बॉलमध्ये 32 रन लागत आहेत.

23 April 2024 22:55 PM

ओव्हरनंतर लखनऊ सुपर जाएंट्सचा स्कोर 137-3 असा आहे. मार्कस स्टॉयनिसने लखनऊच्या फलंदाजीची एक बाजू सांभाळून ठेवली आहे.स्टॉयनिस हा 86 धावावर खेळतोय, तर त्याचे साथ पूरन हा 15 धावांवर देत आहे.

23 April 2024 22:33 PM

महिशा पथिरानाने लखनऊला देवदत्त पडिकलच्या स्वरूपात तिसरा धक्का दिला आहे. पडिकल हा 13 धावा करून आउट झाला आहे. तर आता निकोलस पूरन हा फलंदाजीसाठी आला आहे.

23 April 2024 22:23 PM

10 ओव्हरनंतर लखनऊ सुपर जाएंट्सचा स्कोर 83-2 असा आहे. 10 व्या ओव्हरमध्येच मार्कस स्टॉयनिसने 26 बॉलमध्ये आपलं ताबडतोब अर्धशतक पूर्ण केलं आहे. स्टॉयनिसच्या या इनिंगमध्ये 6 चौकार आणि 2 षटकार सामील आहेत. तर दुसऱ्या बाजूला पडिकल हा 12 धावांवर खेळत आहे.

23 April 2024 22:01 PM

पाचव्या ओव्हरमध्ये मुस्ताफिजूरच्या गोलंदाजीवर लखनऊचा कॅप्टन के एर राहूल हा 16 धावांवर आउट झाला आहे. दुसऱ्या विकेटनंतर फलंदाजीसाठी देवदत्त पडिकल हा आलेला आहे, तर लखनऊचा स्कोर 5 ओव्हरनंतर 33-2 असा आहे.

23 April 2024 21:39 PM

दिपक चाहरने पहिल्याच ओव्हरमध्ये लखनऊचा धाकड फलंदाज क्विंटन डि कॉक याला शून्यावर आउट केलं आहे. पहिल्या विकेटनंतर मार्कस स्टॉयनिस हा फलंदाजीसाठी आला आहे.

23 April 2024 21:25 PM

20 ओव्हरनंतर चेन्नई सुपर किंग्सने, लखनऊ सुपर जाएंट्ससमोर 211 धावांचे आव्हान दिलं आहे.  चेन्नईकडून उत्कृष्ट फलंदाजीचे प्रदर्शन झाले आहे. सीएसकेचा कॅप्टन ऋतुराज गायकवाड याने 108 धावांची कप्तानी इनिंग  खेळलेली आहे. शिवम दुबे यानेसुद्धा 27 बॉलमध्ये 66 धावांची ताबडतोब खेळी खेळलेली आहे. या दोघं इनिंगमुळे चेन्नई 210-4 या स्थितीत पोहचली आहे. लखनऊकडून गोलंदाजीत मॅट हेनरी, मोहसिन खान आणि यश ठाकूर या तिघं गोलंदाजांनी प्रत्येकी 1 विकेट घेतली आहे.

आता लखनऊ, चेन्नईला त्यांच्या होमग्राउंडवर पराभूत करणार, की सीएसके आपले दमदार प्रदर्शन दाखवत लखनऊचा धुव्वा उडवणार? हे बघणं रंजक ठरणार आहे.

23 April 2024 21:07 PM

18 व्या ओव्हरमध्ये सीएसकेचा कॅप्टन ऋतुराज गायकवाडने 56 बॉलमध्ये 12 चौकार आणि 3 षटकारांच्या मदतीने आपलं दमदार शतक पूर्ण केलं आहे. गायकवाडच्या या शतकामुळे चेन्नईचे लक्ष आता मोठ्या धावसंख्येवर आहे. 

23 April 2024 20:45 PM

15 ओव्हरनंतर चेन्नईचा स्कोर 135-3 असा आहे. ऋतुराज गायकवाड हा 85 धावांवर नाबाद असून शानदार फलंदाजी करतोय त्याने सीएसकेच्या फलंदाजीची एक बाजू सांभाळून ठेवली आहे, तर दुसऱ्या बाजूला शिवम दुबे हा गायकवाडचे साथ देत 19 धावांवर खेळत आहे. 

23 April 2024 20:31 PM

मोहसिन खानच्या 12 व्या ओव्हरमध्ये रविंद्र जडेदा हा 16 धावांवर तंबूत परतला आहे. जडेजाने आज 19 बॉलमध्ये केवळ 16 रन केले आहेत, तर तिसऱ्या विकेटनंतर शिवम दुबे हा फलंदाजीसाठी आला आहे.

23 April 2024 20:22 PM

10 ओव्हरनंतर सीएसकेचा स्कोर 85-2 असा आहे. गायकवाड आणि जडेजा यांच्यात 36 धावांची भागादारी झालेली आहे, तर दुसऱ्या विकेटनंतर. या दोघं फलंदाजांनी चेन्नईच्या फलंदाजीला सांभाळलं आहे.

23 April 2024 20:16 PM

9 व्या ओव्हरमध्ये सीएसकेचा कॅप्टन ऋतुराज गायकवाड याने 28 बॉसमध्ये आपलं अर्धशतक पूर्ण केलं आहे. गायकवाडच्या या इनिंगमध्ये एकूण 7 चौके सामील आहे.

23 April 2024 19:58 PM

6 व्या ओव्हरमध्ये चेन्नईला दुसरा धक्का लागला आहे. डॅरेल मिचेल हा 9 धावांवर यश ठाकूरच्या बॉलिंगवर आउट झाला आहे. यश ठाकूरने डॅरेलची कॅच 4 धावांवर सोडली होती, पहिल्या विकेटनंतर रविंद्र जडेजा हा फलंदाजीसाठी आलाय.

23 April 2024 19:52 PM

5 ओव्हरनंतर चेन्नई सुपर किंग्सचा स्कोर 48-1 असा आहे. सीएसकेचा कॅप्टन ऋतुराज हा 36 धावांवर नाबाद आहेस तर डॅरेल मिचेल याला एक जीवनदान मिळाल्यानंतर तो सुद्धा 11 धावांवर खेळत आहे.

23 April 2024 19:36 PM

पहिल्याच ओव्हरमध्ये मॅट हेनरीने सीएसकेला पहिला धक्का दिला आहे. अजिंक्य रहाने हा फक्त 1 धावावर आउट झाला आहे. पहिल्या विकेटनंतर डॅरल मिचेल हा फलंदाजीसाठी आला आहे.

23 April 2024 19:05 PM

लखनऊ सुपर जाएंट्सचा टॉस जिंकून प्रथम गोलंदाजीचा निर्णय

LSG प्लेइंग 11 -

क्विंटन डी कॉक, केएल राहुल (C/W), मार्कस स्टोइनिस, दीपक हुडा, निकोलस पूरन, आयुष बडोनी, क्रुणाल पंड्या, मॅट हेन्री, रवी बिश्नोई, मोहसीन खान, यश ठाकूर

CSK प्लेइंग 11 -

अजिंक्य रहाणे, ऋतुराज गायकवाड (C), डॅरिल मिशेल, मोईन अली, शिवम दुबे, रवींद्र जडेजा, एमएस धोनी (W), दीपक चहर, तुषार देशपांडे, मुस्तफिजुर रहमान, मथीशा पाथीराना

23 April 2024 18:08 PM

CSK vs LSG head to head :

आयपीएलच्या इतिहासात चेन्नई सुपर किंग्स आणि लखनऊ सुपर जाएंट्स हे दोघं संघ एकूण 4 वेळेस आमनेसामने आले आहेत, त्यातून आश्चर्याने लखनऊने चेन्नईवर वर्चस्व निर्माण करत 2 वेळेस सीएसकेला पराभूत केलं आहे. तर चेन्नई फक्त एकवेळेस या लढतीत जिंकली आहे. एक सामना हा पावसाच्या व्यत्ययामुळे खेळला गेला नव्हता म्हणून त्या सामन्यात कोणताही रिझल्ट आलेला नाही. तर आज चेन्नईच्या होमग्राउंडवर लखनऊ जिंकणार की चेन्नई आपला हिशोब बरोबर करणार हे बघण्यायोग्य ठरणार आहे.