धोनीनंतर सुरेश रैनाने देखील लगेचच निवृत्तीची घोषणा केली होती.
मुंबई : भारताचा माजी फलंदाज सुरेश रैनाने आपल्या इंस्टाग्रामवर एक खास संदेश पोस्ट केला आहे. आंतरराष्ट्रीय कारकीर्द घडविण्यात मदत करणाऱ्या सर्वांचे त्याने आभार मानले आहेत. महेंद्रसिंग धोनीने निवृत्ती घेतल्याच्या काही मिनिटानंतर रैनाने देखील शनिवारी आंतरराष्ट्रीय क्रिकेटमधून निवृत्तीची घोषणा केली. आयपीएलमध्ये रैना आणि धोनी चेन्नई सुपर किंग्जकडून खेळतात.
33 वर्षीय रैनाने त्याच्या इंस्टाग्रामवर लिहिले की, 'मी बरीच संमिश्र भावनांनी निवृत्तीची घोषणा करीत आहे. अगदी लहानपणापासूनच या मुलाने आपल्या शहरातील प्रत्येक गल्ली, काना-कोपर्यात क्रिकेट जगला आहे आणि त्यानंतर टीम इंडियामध्ये प्रवेश केला. मला फक्त क्रिकेट माहित होतं आणि मला कसं खेळायचं ते माहित होतं. क्रिकेट माझ्या नसांमध्ये चालत असे.
रैना म्हणाला की, 'मी देवाकडे प्रार्थना केली ती मान्य झाली. लोकांनीही माझ्यासाठी प्रार्थना केली म्हणून मी येथे पोहोचलो. माझ्यावर अनेक शस्त्रक्रिया झाल्या. तेव्हा मला वाटलं आता इथेच थांबावं का? पण मी थांबलो नाही आणि पुढे जात राहिलो. माझ्यासाठी हा प्रवास उत्कृष्ट होता. चढउतारांमध्ये मला पाठिंबा देणाऱ्या लोकांचे खूप आभार.'
रैना म्हणतो की, 'माझे कुटुंबीय, माझी पत्नी प्रियंका, मुलगी ग्रेसिया आणि रियो, माझ्या बहिणी आणि माझे संपूर्ण कुटुंब यांनी मला साथ दिली नसती तर हे शक्य नसतं. हे सर्व नसते तर काहीच झाले नसते. माझे प्रशिक्षक, माझे सर्व चिकित्सक यांनी मला पाठिंबा दिला यामुळे मी येथे पोहोचलो.
रैना म्हणाली, 'मला सहकाऱ्यांचा पाठिंबा मिळाला नसता तर हे सर्व शक्य झाले नसते. मी खूप भाग्यवान आहे की मला अशा महान खेळाडूबरोबर खेळण्याची संधी मिळाली. राहुल द्रविड, अनिल भाई, सचिन पाजी, चिकू आणि खासकरुन धोनी जो मित्रासारखा मार्गदर्शन करतो अशा सर्वोत्कृष्ट कर्णधारांसह मी खेळलो.
'मला बीसीसीआयचे आभार मानायचे आहेत, ज्याने उत्तर प्रदेशमधील एका मुलाला टीम इंडियामध्ये खेळण्याची संधी दिली. शेवटी, मी माझ्या चाहत्यांचे आभार मानू इच्छितो ज्यांनी संपूर्ण प्रवासात मला साथ दिली. माझे नेहमीच समर्थन केल्याबद्दल मनापासून धन्यवाद. फॉरेव्हर टीम इंडिया. जय हिंद.'
By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts.