'...म्हणून मी सिडनी कसोटी खेळलो नाही', रोहित शर्माचा गौप्यस्फोट, 'गंभीर आणि माझ्यात फार मोठं भांडण...'

बॉर्डर-गावसकर ट्रॉफीमध्ये (Border Gavaskar Trophy) रोहित शर्मा (Rohit Sharma) फार चांगली कामगिरी करु शकला नव्हता. 15 डावात त्याने 10.83 च्या सरासरीने फक्त 164 धावा केल्या.

भारतीय कर्णधार रोहित शर्माने (Rohit Sharma) बॉर्डर गावसकर ट्रॉफीदरम्यान (Border Gavaskar Trophy) सिडनी कसोटी सामना आपण का खेळलो नाही यावर अखेर भाष्य केलं आहे. संघाच्या भल्यासाठी आपण हा निर्णय घेतला होता असं त्याने सांगितलं आहे. ऑस्ट्रेलिया संघाचा माजी कर्णधार मायकल क्लार्क (Michael Clarke) याच्या Beyond23 Cricket Podcast मध्ये रोहित शर्माने सामन्याआधी आपली प्रशिक्षक गौतम गंभीर (Gautam Gambhir) आणि निवड समितीचा प्रमुख आजित आगरकर (chairman of selectors Ajit Agarkar) यांच्याशी चर्चा झाली होती असा खुलासा केला. आपण सिडनी कसोटी सामना खेळणार नसल्याचं कळवल्यानंतर त्यावर विरोधी मतं होती असंही त्याने सांगितलं. रोहित शर्माने 15 डावात त्याने 10.83 च्या सरासरीने फक्त 164 धावा केल्या होत्या. दरम्यान भारताने गेल्या दशकात पहिल्यांदाच बॉर्डर गावसकर ट्रॉफीत पराभवाचा सामना केला. 

स्वत:ला संघातून वगळण्याच्या निर्णयावर रोहित म्हणाला की, सिडनीमधील सामना गमावला असल्याने मालिकेचा निकाल ठरवणारा सामना माझ्याऐवजी शुभमन गिलने खेळावा अशी इच्छा होती. "सिडनीमधील अखेरच्या कसोटी सामन्यात मी स्वत:शी प्रामाणिक असणं गरजेचं होतं. मी चेंडू नीट टोलवत नव्हतो. आमच्याकडे बरेच खेळाडू होते संघर्ष करत होते, या कारणामुळे मला तिथे ठेवायचं नव्हतं. जेव्हा तुम्ही स्वतःला तिथे जोडता तेव्हा ते थोडे अधिक होते. आमची गिलने खेळावे अशी इच्छा होती. तो खूप चांगला खेळाडू आहे. तो मागील कसोटीत मुकला होता," असं रोहित म्हणाला.

"मी म्हणालो होतो, 'ठीक आहे, जर मी चेंडू नीट टोलवत नसेन तर ही आताची वेळ आहे.' दहा दिवसांनी, पाच दिवसांनी परिस्थिती बदलू शकते. मी प्रशिक्षक आणि निवडकर्त्याशी बोललो, जे दौऱ्यावर होते. ते काहीशी सहमत होते, नव्हते. त्याभोवती वाद झाला. तुम्ही संघाला प्रथम स्थान देण्याचा प्रयत्न करा आणि संघाला काय हवे आहे ते पहा आणि त्यानुसार निर्णय घ्या. कधीकधी ते हिताचं ठरु शकतो, कधीकधी ते ठरत नाही. असंच हे सुरु असतं," असं तो पुढे म्हणाला.

जेव्हापासून मी कर्णधारपद स्वीकारलं आहे, तेव्हापासून माझं लक्ष वैयक्तिक ध्येयांपेक्षा संघाला प्राधान्य देण्यावर आहे असं रोहितने स्पष्ट केलं. 

"तुम्ही घेतलेल्या प्रत्येक निर्णयात यशाची हमी दिली जात नाही. मी फक्त माझ्यासाठीच नाही तर राष्ट्रीय संघाचे नेतृत्व करायला सुरुवात केल्यापासून, मला असे वाटत होते की इतर खेळाडूंनीही असाच विचार करावा. त्यांनी संघाला प्रथम स्थान देण्याचा प्रयत्न करावा आणि संघासाठी आवश्यक ते करावे आणि 'माझ्या धावा, माझे गुण' आणि अशा गोष्टींबद्दल जास्त काळजी करू नये. हे महत्वाचे आहे कारण तुम्ही सांघिक खेळ खेळत आहात," असं रोहितने निदर्शनास आणून दिले.