)
Full List Of Records Shubman Gill Broke During His 269 At Edgbaston: भारत आणि इंग्लंड यांच्यातील सुरू असलेल्या 5 सामन्यांच्या कसोटी मालिकेतील दुसरा सामना 2 जुलैपासून बर्मिंगहॅममधील एजबॅस्टन येथे खेळला जातोय. जिथे टीम इंडियाचा नवनियुक्त कर्णधार शुभमन गिलने पहिल्या डावातच द्विशतक झळकावून सर्वांनाच अचंबित केलंय. या उत्कृष्ट खेळीदरम्यान त्याने अनेक मोठ्या कामगिरी देखील आपल्या नावावर केल्यायत. त्याबद्दल जाणून घेऊया.
शुभमन गिल (269) हा भारतीय कर्णधार म्हणून सामन्याच्या एका डावात सर्वात मोठी खेळी खेळणारा पहिला खेळाडू ठरला आहे. त्याच्या आधी ही मोठी कामगिरी विराट कोहलीच्या नावावर नोंदली गेली होती. 2019 मध्ये पुणे कसोटीत दक्षिण आफ्रिकेविरुद्ध कर्णधार म्हणून नाबाद 254 धावा काढल्या.
शुभमन गिल (269) हा इंग्लंडच्या भूमीवर सामन्याच्या एका डावात सर्वात मोठी खेळी करणारा पहिला भारतीय खेळाडू ठरला आहे. त्याच्या आधी ही मोठी कामगिरी माजी दिग्गज फलंदाज सुनील गावस्कर यांच्या नावावर नोंदली गेली होती. इंग्लंडच्या भूमीवर सामन्याच्या एका डावात त्याने 221 धावा काढल्या होत्या.
शुभमन गिल हा भारतासाठी कसोटी क्रिकेटमध्ये कर्णधार म्हणून द्विशतक करणारा विराट कोहलीनंतर दुसरा खेळाडू ठरला आहे. किंग कोहलीने कर्णधार म्हणून दक्षिण आफ्रिकेविरुद्ध नाबाद 254 धावा काढल्या होत्या. त्याच वेळी, गिलने आता इंग्लंडविरुद्ध कर्णधार म्हणून 269 धावांची खेळी केली आहे.
शुभमन गिलने मोठी कामगिरी केली. रोहित शर्मा, ख्रिस गेल, वीरेंद्र सेहवाग आणि सचिन तेंडुलकर यांच्यानंतर कसोटी आणि एकदिवसीय दोन्ही स्वरूपात द्विशतक करणारा तो जगातील पाचवा खेळाडू ठरला आहे.
मन्सूर अली खान पतौडी आणि दक्षिण आफ्रिकेचा माजी कर्णधार ग्रॅमी स्मिथ यांच्यानंतर, शुभमन कसोटी क्रिकेटमध्ये द्विशतक करणारा जगातील तिसरा सर्वात तरुण कर्णधार ठरला आहे. त्याने 25 वर्षे 297 दिवसांच्या वयात ही कामगिरी केली आहे.
इतकेच नाही तर शुभमन गिल कसोटी क्रिकेटमध्ये 250+ धावांची खेळी करणारा जगातील दुसरा सर्वात तरुण कर्णधार बनला आहे. त्याच्याशिवाय, या विशेष यादीत फक्त दक्षिण आफ्रिकेचा माजी कर्णधार ग्रॅमी स्मिथचे नाव समाविष्ट आहे.
शुभमन गिल भारताकडून कसोटी क्रिकेटच्या एका डावात सर्वात मोठी खेळी करणारा सातवा खेळाडू ठरला आहे. पहिले स्थान माजी सलामीवीर वीरेंद्र सेहवागने घेतले आहे. दक्षिण आफ्रिकेविरुद्धच्या सामन्यात 319 धावा ज्यांनी केल्या.
शुभमन गिल (269) हा टीम इंडियासाठी चौथ्या क्रमांकावर फलंदाजी करताना सामन्याच्या एका डावात सर्वाधिक डाव खेळणारा चौथा खेळाडू ठरला आहे.
शुभमन गिल सेना (दक्षिण आफ्रिका, इंग्लंड, न्यूझीलंड आणि ऑस्ट्रेलिया) देशांमध्ये सहभागी असताना सामन्याच्या एका डावात सर्वाधिक डाव खेळणारा पहिला भारतीय खेळाडू ठरला आहे. त्याच्या आधी ही मोठी कामगिरी सचिन तेंडुलकर (नाबाद 241) यांच्या नावावर नोंदली गेली होती. पण इंग्लंडमध्ये 269 धावा केल्यानंतर हा विक्रमही गिलच्या नावावर नोंदला गेला आहे.
शुभमन गिलने बर्मिंगहॅम कसोटीच्या पहिल्या डावात 269 धावा काढल्या. ही त्याच्या कसोटी कारकिर्दीतील सर्वोच्च धावसंख्या आहे. यापूर्वी, लीड्समध्ये खेळलेली 147 धावांची खेळी ही त्याची सर्वोच्च धावसंख्या होती.
Newsletter