सचिन की विराट? कोणाला बॉलिंग टाकणं जास्त कठीण?, 991 विकेट्स घेणाऱ्या बॉलरची मोठी कबुली!

Virat kohli or Sachin Tendulkar: इंग्लंडसाठी 991 विकेट घेणाऱ्या वेगवान गोलंदाजाने विराट कोहलीबद्दल मोठी गोष्ट सांगितलीय? जाणून घेऊया.

Virat kohli or Sachin Tendulkar: भारत आणि इंग्लंड यांच्यातील 5 कसोटी सामन्यांची मालिका 20 जूनपासून सुरू होणार आहे. यासाठी दोन्ही टीम्स मैदानावर खूप घाम गाळतायत. शुभमन गिलच्या नेतृत्वाखालील टीम इंडिया यावेळी इंग्लंडच्या भूमीवर इतिहास रचण्यास उत्सुक आहे. 2007 पासून टीम इंडियाने इंग्लंडमध्ये एकही कसोटी मालिका जिंकलेली नाही. यावेळी टीम इंडिया विराट कोहली आणि रोहित शर्माशिवाय मैदानात उतरेल. कारण हे दोन्ही खेळाडू कसोटी क्रिकेटमधून निवृत्त झाले आहेत. अशा परिस्थितीत टीम इंडियाच्या फलंदाजीची जबाबदारी यावेळी तरुण खांद्यावर आहे. दरम्यान  इंग्लंडसाठी 991 विकेट घेणाऱ्या वेगवान गोलंदाजाने विराट कोहलीबद्दल मोठी गोष्ट सांगितलीय? जाणून घेऊया.

जेम्स अँडरसनची मोठी कबुली

इंग्लंडचा माजी वेगवान गोलंदाज जेम्स अँडरसनने टीम इंडियाचा दिग्गज फलंदाज विराट कोहलीबद्दल मोठा खुलासा केलाय. तो म्हणाला की, फॅब-4 मध्ये विराट कोहली हा एकमेव खेळाडू आहे ज्याला बाहेर काढणे सर्वात कठीण आहे. यानंतर ऑस्ट्रेलियाचा दिग्गज फलंदाज स्टीव्ह स्मिथ, न्यूझीलंडचा माजी कर्णधार केन विल्यमसन आणि पाकिस्तानचा स्टार फलंदाज बाबर आझम यांचे नाव येते. पूर्वी मला वाटायचे की मी प्रत्येक चेंडूवर विराटला बाद करू शकतो, पण जेव्हा मी मैदानावर त्याचा सामना केला तेव्हा माझा दृष्टिकोन बदलला. विराट कोहलीला बाद करणे खूप कठीण आहे. त्याच्यासमोर मला खूप कमीपणा वाटतो, अशी कबुली त्याने दिली.

अँडरसनची विराटविरुद्ध कामगिरी

विराट कोहली आणि जेम्स अँडरसन कसोटी क्रिकेटमध्ये 36 डावांमध्ये एकमेकांसमोर आले आहेत. या दरम्यान, विराटने 43.75 च्या सरासरीने 305 धावा केल्या आहेत. या दरम्यान अँडरसनने त्याला फक्त 7 वेळा बाद केले आहे. कसोटी सामन्यांमध्ये टीम इंडियाच्या या दिग्गज फलंदाजाने जेम्स अँडरसनला खूप त्रास दिला आहे. विराट कोहलीनंतर ऑस्ट्रेलियाचा मधल्या फळीतील फलंदाज स्टीव्ह स्मिथने अँडरसनला खूप त्रास दिला आहे.

स्मिथने खूप धावा केल्या 

ऑस्ट्रेलियाचा दिग्गज फलंदाज स्टीव्ह स्मिथने इंग्लंडचा माजी वेगवान गोलंदाज जेम्स अँडरसनविरुद्ध खूप धावा केल्या आहेत. त्याने कसोटी क्रिकेटच्या 44 डावांमध्ये 59.87 च्या सरासरीने अँडरसनविरुद्ध 479 धावा केल्या आहेत. या दरम्यान इंग्लंडचा हा माजी वेगवान गोलंदाज स्मिथला 8 वेळा बाद करण्यात यशस्वी झाला आहे. तथापि, फॅब-4 च्या केन विल्यमसनविरुद्ध अँडरसनचा रेकॉर्ड बराच चांगला आहे.

अँडरसनने दिला विल्यमसनला त्रास 

न्यूझीलंडचा माजी कर्णधार केन विल्यमसन नेहमीच जेम्स अँडरसनच्या गोलंदाजीसमोर अपयशी ठरला आहे. तो त्याचा स्विंग समजू शकला नाही आणि प्रत्येक वेळी त्याने आपली विकेट गमावली. हे दोन्ही खेळाडू 21 डावांमध्ये एकमेकांशी भिडले आहेत. या दरम्यान, विल्यमसन 18.44 च्या सरासरीने फक्त 166 धावा करू शकला आहे. या दरम्यान, अँडरसनने त्याला 9 वेळा पॅव्हेलियनमध्ये पाठवले आहे.

अँडरसनविरुद्ध बाबर आझमचा विक्रम

पाकिस्तानचा माजी कर्णधार बाबर आझम आणि जेम्स अँडरसन यांनी कसोटी क्रिकेटमध्ये एकमेकांविरुद्ध खूप कमी सामने खेळले आहेत. या दरम्यान, बाबर आझमने 8 डावांमध्ये 44.00 च्या सरासरीने 88 धावा केल्या आहेत. यामध्ये अँडरसनने त्याला दोनदा बाद करण्यात यश मिळवले आहे.

अँडरसनची कारकीर्द उत्तम 

जेम्स अँडरसनने आंतरराष्ट्रीय क्रिकेटमधून निवृत्ती घेतली आहे. त्याने त्याच्या कारकिर्दीत एकूण 991 बळी घेतले आहेत. त्याने 188 कसोटी सामने खेळले आहेत, ज्यामध्ये त्याने 26.45 च्या सरासरीने 704 विकेट्स घेतल्या आहेत. याशिवाय, त्याने 194 एकदिवसीय सामन्यांमध्ये 269 विकेट्स घेतल्या आहेत, तर टी-20 मध्ये त्याने 19 सामन्यांमध्ये 18 विकेट्स घेतल्या आहेत.