भारतीय विद्यार्थ्यांना Google देतंय 19,500 रुपयांचं फ्री सबस्क्रिप्शन; कसा करायचा अर्ज? जाणून घ्या सर्वकाही!

Google AI Pro Free: गुगलने भारतातील लोकांना त्यांच्या एआय टूलकडे आकर्षित करण्यासाठी आणि विद्यार्थ्यांना मदत करण्यासाठी हा उपक्रम सुरू केला आहे.

Google AI Pro Free: सध्या भारतासह जगभरात एआयचा वापर खूप वाढलाय. स्क्रिप्ट लिहिण्यापासून ते फोटो, व्हिडीओ एडीट करण्यापर्यंत सारेजण एआयची मदत घेतात. यातील काही सुविधा मोफत आहेत तर अनेक सुविधांसाठी पैसे मोजावे लागतात. पण भारतीय विद्यार्थ्यांसाठी एक आनंदाची बातमी आहे. गुगल भारतातील विद्यार्थ्यांना जेमिनी एआय प्रोचे मोफत सबस्क्रिप्शन देतंय. गुगलच्या एआय टूलचा वापर करुन विद्यार्थ्यांना अभ्यासात खूप मदत होणार आहे. ते एआयला सहजपणे काहीही विचारू शकतात. एआयचा वापर ट्यूटर म्हणून देखील करता येतो. या कारणास्तव गुगलने भारतातील लोकांना त्यांच्या एआय टूलकडे आकर्षित करण्यासाठी आणि विद्यार्थ्यांना मदत करण्यासाठी हा उपक्रम सुरू केला आहे. 

हजारो रुपयांचे सबस्क्रिप्शन मोफत

भारतीय विद्यार्थ्यांना हजारो रुपयांचे सबस्क्रिप्शन मोफत मिळू शकते. जेमिनी एआय प्रो योजनेअंतर्गत, विद्यार्थी अनेक अद्भुत एआय टूल्स वापरून त्यांच्या गृहपाठात मदत मिळवू शकतात. तसेच तुम्ही परीक्षेची तयारी देखील करू शकता. भारतात त्याची सबस्क्रिप्शन किंमत 19,500 रुपये आहे. पण सध्या विद्यार्थ्यांना ती सुविधा मोफत मिळणार आहे.

गुगलकडून ही सुविधा मोफत

गुगल भारतीय विद्यार्थ्यांना जेमिनी एआय प्रो सबस्क्रिप्शन मोफत देत आहे. या सबस्क्रिप्शन अंतर्गत, विद्यार्थ्यांना Veo 3 Fast, Deep Research, NotebookLM आणि 2TB स्टोरेज सारख्या अनेक गोष्टी मोफत मिळत आहेत. या सबस्क्रिप्शनद्वारे विद्यार्थी गृहपाठ मदत, परीक्षेची तयारी आणि त्यांचे लेखन कौशल्य सुधारू शकतात. विद्यार्थ्यांना एका वर्षासाठी Gemini AI Pro चे मोफत सबस्क्रिप्शन दिले जात आहे. Veo 3 Fast वापरून विद्यार्थी मजकूर आणि फोटोंद्वारे क्रिएटीव्ह व्हिडिओ तयार करू शकतात. तर Deep Research अंतर्गत विद्यार्थी स्मार्ट रिसर्च असिस्टंट वापरून तासनतास काम मिनिटांत करू शकतील. यामुळे त्यांना अनेक कामे करण्यास मदत होईल आणि ते कमी वेळेत अधिक अभ्यास करू शकतील.

कोणत्या विद्यार्थ्यांसाठी हे वैध?

गुगलने ही ऑफर विशेषतः भारतीय विद्यार्थ्यांसाठी सुरू केली आहे. ही ऑफर लवकरच इतर देशांच्या विद्यार्थ्यांसाठी देखील आणली जाणार आहे. या ऑफरचा फायदा घेण्यासाठी विद्यार्थ्याचे वय 18 वर्षे किंवा त्याहून अधिक असावे. याचा अर्थ असा की ही ऑफर शालेय विद्यार्थ्यांसाठी नाही तर फक्त महाविद्यालयीन विद्यार्थ्यांसाठी आहे. या ऑफरचा लाभ घेण्यासाठी विद्यार्थ्यांना 15 सप्टेंबर 2025 पर्यंत साइन अप करावे लागेल. विद्यार्थ्यांना Google One वर जाऊन ओळख म्हणून SheerID व्हेरिफाय करावे लागेल.

क्लेम कसा करायचा?

या ऑफरचा दावा करण्यासाठी विद्यार्थ्यांना Google One वर जावे लागेल. त्यानंतर SheerID पडताळणी करावी लागेल. आता विद्यार्थ्यांना पेमेंट पद्धत देखील जोडावी लागेल. यानंतर ट्रायल पर्चेसिंग फ्लो पूर्ण करा. विद्यार्थ्यांनी त्यांच्या वैयक्तिक आयडीने साइन इन करावे. सबस्क्रिप्शन संपण्यापूर्वी Google तुम्हाला एक रिमाइंडर पाठवेल. विद्यार्थी त्यांना वाटेल तेव्हा सबस्क्रिप्शन रद्द करू शकतात. एका वर्षासाठी त्यांच्याकडून कोणतेही पैसे घेतले जाणार नाहीत.