WhatsApp वर वैयक्तिक चॅट लपवायचेत? मग या ट्रीक्स करतील मदत, जाणून घ्या

मुंबई : व्हॉट्सऍप हे खूप लोकप्रिय इन्स्टंट मेसेजिंग ऍप आहे. यावर अनेकांच्या वैयक्तिक गप्पाही आहेत. परंतु जेव्हा तुम्ही एखाद्याच्या हातात फोन देता, तेव्हा मात्र ते चॅट्स सर्वांसाठी उघडे असतात. अशा परिस्थीतीत कोणीही तुमचं चॅट्स उघडून पाहू शकतात. मग अशावेळी तुमची प्राईवसी निघून जाते. परंतु तुम्हाला माहितीय का, की तुम्ही व्हॉट्सअॅप चॅट्स हे लपवू देखील शकता. ज्यामुळे तुमच्या होमस्क्रिनवर चॅट्सची विंडो दिसणार नाही.

यासाठी तुम्हाला Archived Chats फोल्डर फीचर वापरावे लागेल. संग्रहित चॅट्समध्ये नवीन संदेश आल्यानंतरही, ते चॅटच्या मुख्य सूचीमध्ये दिसणार नाहीत.

या संग्रहित चॅट्स तुम्ही मॅन्युअली अनआर्काइव्ह केल्यासच WhatsApp च्या मुख्य सूचीमध्ये तुम्हाला ते पुन्हा दिसू लागतील. हे फीचर कंपनीने काही काळापूर्वी जारी केले होते. पूर्वी आर्काइव्ह चॅट्समध्ये नवीन मेसेज यायचा तेव्हा चॅट मुख्य यादीत यायचे.

येथे आम्ही तुम्हाला स्टेप बाय स्टेप WhatsApp चॅट्स लपवण्याचा संपूर्ण मार्ग सांगत आहोत. यासाठी तुम्हाला सर्वप्रथम मोबाईलवर WhatsApp ओपन करावे लागेल. ऍप उघडल्यानंतर, त्यानंतर आपल्याला जो चॅट लपवायचा आहे तो आपण चॅट काही सेकंद धरून ठेवा.

चॅट धरून ठेवल्याने, तुम्हाला वरच्या पट्टीमध्ये एक संग्रहण बटण दिसेल. या बटणावर क्लिक करून, तुम्ही निवडलेल्या चॅट संग्रहित करू शकता.

तुम्ही सर्व WhatsApp चॅट्स संग्रहित देखील करू शकता. यासाठी चॅटवर टॅप करून तुम्हाला मोअर ऑप्शन्सवर जावे लागेल. त्यानंतर तुम्हाला सेटिंगमध्ये जावे लागेल.

त्यानंतर तुम्हाला चॅट्सवर टॅप करावे लागेल. येथून तुम्हाला चॅट हिस्ट्रीमध्ये जावे लागेल. चॅट हिस्ट्री वर गेल्यावर सर्व चॅट्स Archive वर क्लिक करा. आम्ही तुम्हाला सांगतो की, जर कोणी तुम्हाला संग्रहित चॅटमध्ये टॅग केले तर तुम्हाला त्याची सूचना मिळेल.