)
Viral Video: सोशल मीडियावर एक विचित्र व्हिडीओ व्हायरल होत आहे, ज्यामध्ये मुसळधार पाऊस पडत आहे. पण आश्चर्य असे की हा पाऊस लाल रंगाचा आहे. व्हायरल झालेल्या व्हिडीओमध्ये दिसून येत आहे की लाल आणि रक्तासारखे काहीतरी समुद्रात वाहत असल्याचे दिसत आहे. व्हिडीओमध्ये काही लोकही दिसत आहेत. व्हिडीओ पाहिल्यानंतर काही लोक आश्चर्यचकित झाले आहेत, कारण रक्तासारखी दिसणारी ही वस्तू तेथे मोठ्या प्रमाणात आहे. चला जाणून घेऊयात काय आहे हे...
हा व्हिडीओ हॉर्मुझच्या प्रसिद्ध रेड बीचचा व्हिडीओ आहे. या अनोख्या दृश्यामुळे लोकांच्या मनात भीती आणि आश्चर्य अशा दोन्ही भावना निर्माण झाल्या आहेत. बऱ्याच लोकांनी याचा संबंध हवामान बदल किंवा काही गूढ घटनेशी जोडण्याचा प्रयत्न केला, जरी वास्तविकता अगदी सोपी आहे. खरे तर ते पावसाचे पाणी असते तसेच आहे आणि एका विशिष्ट प्रकारच्या मातीमुळे ते रक्तासारखे दिसते.
हे ही वाचा: मुंबईकर 'या' गंभीर आजाराच्या विळख्यात; कारण धक्कादायक!
हा व्हिडिओही गेल्या महिन्यात समोर आला होता. एका मीडिया रिपोर्टनुसार, हा व्हिडिओ एका टूर गाईडने इंस्टाग्रामवर शेअर केला आहे. व्हिडिओ शेअर करताना कॅप्शनमध्ये लिहिले आहे, 'होर्मुझच्या प्रसिद्ध रेड बीचवर मुसळधार पावसाची सुरुवात. सेरासीमाच्या पर्यटकांसाठी हे दृश्य खूपच आश्चर्यकारक आहे.
हा बीच इराणच्या होर्मुझ बेटावर आहे, ज्याला 'रेनबो आयलंड' असेही म्हणतात. हा भाग विरळ लोकवस्तीचा आणि निसर्गाने मोठ्या प्रमाणात अस्पर्शित आहे. ही अनोखी घटना वर्षभरात कधीही पाहता येते, त्यामुळे या बेटाला भेट देणारा कोणताही पर्यटक या आश्चर्यकारक दृश्याचा साक्षीदार होऊ शकतो. या लाल रंगामागील खरे कारण म्हणजे जमिनीत जास्त प्रमाणात असलेले आयर्न ऑक्साईड. जेव्हा ही खनिजे समुद्राच्या पाण्यात मिसळतात तेव्हा समुद्राच्या लाटाही लाल रंगाच्या दिसतात.
Newsletter