म्यानमार, भूताननंतर आणखी एका देशात 7.1 तीव्रतेचा भूकंप; त्सुनामीचा इशारा जारी

Tonga Earthquake Tsunami Warning : म्यानमार आणि भूताननंतर आता टोंगा देश भूकंपाने हादरला आहे. टोंगा देशात 7.1 तीव्रतेचा भूकंप आला आहे. या शक्तिशाली भूकंपानंनतर  त्सुनामीचा इशारा देण्यात आला आहे. खबरादी म्हणून नागरिकांना सुरक्षित स्थळी स्थलांतरित करण्यात आले आहे. सर्व नागरी सुरक्ष यंत्रणा अलर्ट मोडवर आहेत. 

पॅसिफिक महासागरातील टोंगा बेटांवर रविवारी 7.1  तीव्रतेच्या भूकंपाच्या धक्के बसले आहेत. ज्यामुळे या भागात त्सुनामीचा इशारा जारी करण्यात आला आहे, अशी माहिती यूएस जिओलॉजिकल सर्व्हे (USGS)ने दिली आहे. यूएसजीएसने दिलेल्या माहितीनुसार, टोंगाच्या मुख्य बेटापासून उत्तर पूर्वेला 1000 किलोमीटर अंतरावर या भूकंपाचे केंद्र होते. पॅसिफिक त्सुनामी वॉर्निंग सेंटरने इशारा दिला आहे की, भूकंपाच्या केंद्रापासून 300 किलोमीटर अंतरावरील किनारपट्टीवर धोकादायक लाटांचा परिणाम दिसू शकतो. 

या भूकंपामुळे टोंगाच्या किनारपट्टीवर भूकंपाच्या केंद्रापासून 300 किलोमीटर पर्यंत धोकादायक त्सुनामी लाटा येण्याची शक्यता आहे,” असे अमेरिकेच्या त्सुनामी वॉर्निंग सिस्टमने म्हटले आहे. दरम्यान या शक्तिशाली भूकंपानंतर झालेल्या नुकसानीची अद्याप कोणतीही माहिती समोर आली नाही. तर जर्मन रिसर्च सेंटर फॉर जिओसायन्सेसने हा भूकंप 10 किमी खोलीवर झाला असल्याचे म्हटले आहे. 

टोंगा हे पॉलिनेशीयन देश आहे.  ज्यामध्ये 170 बेटांचा समावेश आहे. तसेच या देशाची लोकसंख्या जेमतेम 1000,000 पेक्षा अधिक आहे. यापैकी बहुतांश लोक हे टोंगाटापू या मुख्य बेटावर राहातात. हा देश ऑस्ट्रेलियाच्या किनाऱ्यापासून 3,500  किलोमीटर पेक्षा जास्त अंतरावर पूर्वेस येतो.