भारतीयांसाठी गुड न्यूज! जगातल्या 'या' 59 देशांत VISA शिवाय बिंधास्त फिरा, आणखी एका देशाने दिली परवनानगी!

Visa-Free Entry to Indian Tourists: फिलीपिन्सने भारतीय नागरिकांसाठी व्हिसा-मुक्त प्रवेशाची घोषणा केलीय.

Visa-Free Entry to Indian Tourists: आयुष्यात एकदा तरी परदेशात फिरायला जावं असं प्रत्येकाला वाटतं. काहींना अचानकपणे ही संधी येते पण त्यांच्याकडे त्यावेळी व्हिसा नसतो. आपला देश सोडून परदेशात जाण्यासाठी व्हिसा हे महत्वाचे दस्तावेज आहे. पण जगातले असे 59 देश आहेत जिथे तुम्ही भारतीय असल्याने तुम्हाला व्हिसाची गरज नसेल. जर तुम्ही परदेशात प्रवास करण्याचा विचार करत असाल तर एक आनंदाची बातमी जाणून घेऊया. 

फिलीपिन्सने भारतीय नागरिकांसाठी व्हिसा-मुक्त प्रवेशाची घोषणा केलीय. फिलीपिन्स हे भारतीय पर्यटकांमध्ये वेगाने एक आवडते पर्यटन स्थळ बनत चालले आहे. आणि आता अधिक सुलभ व्हिसा प्रक्रियांमुळे तिथे जाणे खूप सोपे होणार आहे. नवी दिल्लीतील फिलीपिन्सच्या दूतावासानुसार भारतीय नागरिकांना आता 2 प्रकारचे अल्पकालीन व्हिसा-मुक्त प्रवेश मिळू शकतात.

नवीन नियमांनुसार भारतीय प्रवाशांच्या वेगवेगळ्या गटांसाठी 2 वेगवेगळ्या व्हिसा-मुक्त प्रवेश सुरू करण्यात आले आहेत. भारतीय नागरिक व्हिसासाठी अर्ज न करता 14 दिवसांपर्यंत पर्यटनासाठी फिलीपिन्समध्ये राहू शकतात.

कोणाला मोफत व्हिसा प्रवेश मिळू शकतो?

फिलीपिन्समध्ये केवळ पर्यटनासाठी येणाऱ्या कोणत्याही भारतीय नागरिकाला मोफत व्हिसा मिळू शकतो. तुमचा मुक्काम संपल्यानंतरही पुढचे किमान 6 महिने हा पासपोर्ट वैध असेल. यासाठी तुम्हाला निवासस्थानाचा पुरावा,
मुक्कामादरम्यानचा खर्च भागवण्यासाठी पुरेसा निधी असल्याचा पुरावा (उदाहरणार्थ, बँक स्टेटमेंट किंवा रोजगार प्रमाणपत्र), परतीचे किंवा पुढील तिकीट सोबत घ्यावे लागेल. 

फिलिपिन्समध्ये नकारात्मक इमिग्रेशन इतिहास नाही. व्हिसा-मुक्त प्रवेशासाठी पात्रता पूर्ण न करणारे भारतीय प्रवासी ई-व्हिसा मार्ग वापरणे सुरू ठेवू शकतात. अधिकृत ई-व्हिसा पोर्टलद्वारे उपलब्ध असलेला 9(अ) तात्पुरता अभ्यागत व्हिसाद्वारे तुम्हाला 30 दिवसांचा सिंगल-एंट्री मुक्काम करता येतो. 

भारतीयांसाठी व्हिसा-मुक्त प्रवेश कोणत्या देशांमध्ये?

फिलिपिन्सपूर्वी एकूण 58 देशांमध्ये भारतीयांना व्हिसा-मुक्त प्रवेश आहे. हेन्ले पासपोर्ट इंडेक्सनुसार भारतीय नागरिक व्हिसाशिवाय 58 देशांना भेट देऊ शकतात. या देशांमध्ये इंडोनेशिया आणि मॉरिशससारखे देश देखील समाविष्ट आहेत. या यादीत अनेक आफ्रिकन देशांचाही समावेश आहे. आफ्रिकेत, केनिया आणि झिम्बाब्वे सारखी ठिकाणे भारतीयांसाठी व्हिसा-मुक्त प्रवेशासाठी उपलब्ध आहेत. ओशिनियामध्ये, फिजी, मायक्रोनेशिया, पलाऊ बेटे, वानुआतु सारखे देश देखील यादीत आहेत.

संपूर्ण यादी पहा

अंगोला
बार्बाडोस
भूतान
बोलिव्हिया
ब्रिटिश व्हर्जिन बेटे
बुरुंडी
कंबोडिया
केप वर्दे बेटे
कोमोरो बेटे
कुक बेट
जिबूती
डोमिनिका
इथिओपिया
फिजी
ग्रेनेडा
गिनी-बिसाऊ
हैती
इंडोनेशिया
इराण
जमैका
जॉर्डन
कझाकस्तान
केनिया
किरिबाती
लाओस
मकाओ
मेडागास्कर
मलेशिया
मालदीव
मार्शल बेटे
मॉरिशस
मायक्रोनेशिया
मंगोलिया
म्यानमार
मोन्सेरात
मोझांबिक
नामिबिया
नेपाळ
नियू
पलाऊ आइसलँड
कतार
रवांडा
सामोआ
स्नेगल
सेशेल्स
सिएरा लिओन
सोमालिया
श्रीलंका
सेंट लुसिया
सेंट किट्स आणि नेव्हिस
संत व्हिन्सेंट
टांझानिया
थायलंड
तिमोर-लेस्टे
त्रिनिदाद आणि टोबॅगो
तुवालु
वानूअतु
झिम्बाब्वे