)
रशिया युक्रेन युद्धावर अमेरिकेचे राष्ट्राध्यक्ष डोनाल्ड ट्रम्प आणि रशियाचे राष्ट्राध्यक्ष व्लादिमीर पुतिन यांच्यात मंगळवारी फोनवर दीर्घ चर्चा झाली. चर्चेनंतर डोनाल्ड ट्रम्प यांनी सोशल मीडियावर एक पोस्ट शेअर केली. यामध्ये त्यांनी लिहिलं आहे की, "रशियाचे राष्ट्राध्यक्ष पुतिन यांच्यासह माझी फोनवरुन चांगली आणि प्रोडक्टिव्ह चर्चा झाली. आम्ही सर्व ऊर्जा आणि पायाभूत सुविधांवर युद्धविराम आणण्यास सहमती दर्शवली आहे. आम्ही संपूर्ण युद्धविरामासाठी वेगाने काम करु आणि या भयानक युद्धाला संपवू. जर मी राष्ट्राध्यक्ष असतो, तर हे युद्ध कधी सुरुच झालं नसतं".
ट्रम्प पुढे म्हणाले, "शांततेच्या कराराच्या अनेक घटकांवर चर्चा झाली, ज्यात हजारो सैनिक मारले जात आहेत आणि राष्ट्राध्यक्ष पुतिन आणि राष्ट्राध्यक्ष झेलेन्स्की दोघेही ते शेवट पाहू इच्छितात. ही प्रक्रिया आता पूर्णपणे सुरू झाली आहे आणि मानवतेच्या फायद्यासाठी आम्ही ती पूर्ण करू अशी आशा आहे!'
व्हाईट हाऊसने दिलेल्या माहितीनुसार, दोन्ही नेत्यांमधील ही चर्चा मंगळवारी संध्याकाळी 7.30 वाजता सुरू झाली आणि दोन्ही नेत्यांनी ३ तासांहून अधिक काळ चर्चा केली. रशियाच्या राष्ट्रपती कार्यालय क्रेमलिनने म्हटले आहे की, राष्ट्राध्यक्ष व्लादिमीर पुतिन यांनी काही दिवसांसाठी युक्रेनियन ऊर्जा प्रतिष्ठानांवरील हल्ले थांबवण्यास सहमती दर्शविली आहे.
व्हाईट हाऊसच्या मते, या संवादामुळे मध्य पूर्वेत युक्रेन चर्चेचा एक नवीन टप्पा तात्काळ सुरू होईल. या बैठकीत ट्रम्प आणि पुतिन यांनी त्यांच्या संबंधांमध्ये सुधारणा होण्याची शक्यता एक मोठा फायदा असल्याचं वर्णन केले आहे, जे केवळ दोन्ही देशांसाठीच नाही तर संपूर्ण जगासाठी फायदेशीर ठरू शकते.
- संपूर्ण आघाडीवर युद्धबंदी प्रभावीपणे अंमलात आणण्यासाठी ठोस नियंत्रण सुनिश्चित करणे.
- युक्रेनमध्ये सक्तीची लष्करी भरती थांबवणे
- युक्रेनियन सशस्त्र दलांच्या पुनर्शस्त्रीकरणावर बंदी घालणे
Newsletter