சூரியன் பெயர்ச்சி: சித்திரை மாதத்தில் அரசாளப்போகும் 5 ராசிகள் இவைதான்

சூரியன் கிரகங்களின் அரசன் என அழைக்கப்படுகிறார். ஒருவரது ஜாதகத்தில் சூரியன் வலுவாக இருந்தால் மிகவும் நல்லது. மகிழ்ச்சி, செழிப்பு, புத்திசாலித்தனம், அறிவாற்றல் ஆகியவற்றின் காரணி கிரகமாக சூரியன் பார்க்கப்படுகிறார். 

சூரியன் ஏப்ரல் 14, 2025 அன்று மேஷ ராசியில் பெயர்ச்சி ஆகவுள்ளார். அவர் மே 15, 2025 வரை இந்த ராசியில் இருப்பார். இதன் தாக்கம் அனைத்து ராசிகளிலும் காணப்படும். 

சூரியன் பெயர்ச்சியின் தாக்கம் சித்திரை மாதம் முழுதும் அனைத்து ராசிகளிலும் காணப்படும். எனினும் சில ராசிகளில் இதனால் அதிகப்படியான நல்ல பலன்கள் கிடைக்கும். இவர்களது வாழ்வில் மகிழ்ச்சி அதிகரிக்கும். அந்த அதிர்ஷ்ட ராசிகளை பற்றி இந்த பதிவில் காணலாம்.

மிதுனம்: சூரியன் பெயர்ச்சி சித்திரை மாதம் முழுவதும் மிதுன ராசிக்காரர்களுக்கு அதிக நன்மைகளை அளிக்கும். இந்த சூரியப் பெயர்ச்சி மிதுன ராசியின் லாப வீட்டில் இருக்கும். இதன் விளைவால், மிதுன ராசிக்காரர்களின் தன்னம்பிக்கை அதிகரிக்கும். அதன் விளைவு அன்றாட விஷயங்களில் தெரியும். அனைத்து வேலைகளிலும் சிறப்பான செயல்பாட்டை வெளிப்படுத்துவீர்கள். ஆரோக்கியமும் நன்றாக இருக்கும். பல நல்ல செய்திகளை பெறுவீர்கள். 

கடகம்: கடக ராசிக்காரர்களுக்கு சூரியன் பெயர்ச்சி பல வித நல்ல பலன்களை அளிக்கும். சூரியனின் ராசி மாற்றம் நேர்மறையான பலன்களைத் தரும். கடக ராசியில் பிறந்தவர்கள் அரசு பணிகள் தொடர்பான விஷயங்களில் ஈடுபட்டால், அடுத்த ஒரு மாதத்தில் அவர்களுக்கு நல்ல பலன்கள் கிடைக்கக்கூடும். கடக ராசிக்காரர்களின் சமூக அந்தஸ்து அதிகரிக்கும். இந்த காலகட்டத்தில் பதவி உயர்வும் ஊதிய உயர்வும் கிடைக்க வாய்ப்புள்ளது.அனைத்து பணிகளிலும் வெற்றி கிடைக்கும். 

சிம்மம்: சூரியன் பெயர்ச்சி சிம்ம ராசிக்காரர்களுக்கு அதிர்ஷ்டமானதாக இருக்கும். சூரியன் உச்ச நிலையில் இருப்பதால், சரியான திசையில் கடினமாக உழைப்பது உங்களுக்கு அதிர்ஷ்டத்தைத் தரும். இதன் காரணமாக, வேலையில் தடைகள் இருந்தாலும், இறுதியில் வெற்றியை அடைவீர்கள். நல்ல லாபமும் கிடைக்கும். நண்பர்கள் மற்றும் உறவினர்களுடனான உறவுகள் மோசமடையலாம். எச்சரிக்கையுடன் வாழ்க்கையை வாழ்ந்தால், உங்கள் ஆரோக்கியமும் நன்றாக இருக்கும்.

விருச்சிகம்: விருச்சிக ராசிக்காரர்களுக்கு சூரியன் பெயர்ச்சி ஆதாயப்பூர்வமான பலன்களை அளிக்கும். இந்த மாதம் பதவி உயர்வு கிடைக்க வாய்ப்புள்ளது. நீதிமன்றம் தொடர்பான விஷயங்களும் உங்களுக்கு சாதகமாக தீர்க்கப்படும். குடும்பத்தில் மகிழ்ச்சியும் அமைதியும் இருக்கும்.

கும்பம்: கும்ப ராசிக்காரர்களுக்கு சூரியன் பெயர்ச்சி அனுகூலமான பலன்களை அளிக்கும். சூரியன் மேஷத்திற்கு மாறுவது கும்ப ராசிக்காரர்களின் தொழிலில் முன்னேற்றத்தை ஏற்படுத்தும். வாழ்க்கைத் துணையுடனான உறவும் நன்றாக இருக்கும். உடல் ஆரோக்கியம் நன்றாக இருக்கும். கும்ப ராசிக்காரர்களின் தன்னம்பிக்கை அதிகரிக்கும்.

சூரியனின் அருள் பெற, தினமும் காலையில் ஆதித்ய ஹிருதயம் ஸ்லோகத்தை பாராயணம் செய்வது நல்லது.

பொறுப்பு தூறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்தூள்ளன. ஜீ மீடியா இந்த தகவல்களை உறுதிப்படுத்தவில்லை.