ஜூன் மாதம் கோவையில் சுற்றிப்பார்க்க வேண்டிய 5 முக்கிய இடங்கள்!

Coimbatore Tourist Places: கோவை அருகே ஊட்டி, குன்னூர் போன்ற சுற்றுலா தளங்கள் இருந்தாலும் இந்த ஜூன் மாதம் சுற்றிப்பார்க்க வேண்டிய 5 இடங்களை பற்றி தெரிந்து கொள்ளுங்கள்.

தென்னிந்தியாவின் மான்செஸ்டர் என்று அழைக்கப்படும் கோயம்புத்தூர், அதன் செழிப்பான ஜவுளித் தொழில் மற்றும் வளமான கலாச்சார பாரம்பரியத்திற்காக கொண்டாடப்படுகிறது. இந்த நகரம் அனைத்து சீசன்களிலும் பார்வையாளர்களுக்கு பல கொண்டாட்ட நிகழ்வுகளை வழங்குகிறது. திருவிழாக்கள், சந்தைகள் மற்றும் வரலாற்று கோயில்கள் நிறைந்த பல்வேறு இடங்கள் இங்கு உள்ளன. குறிப்பாக மழைக்காலத்தில் அழகான நிலப்பரப்புகளால் சூழப்பட்ட கோயம்புத்தூர், இயற்கை ஆர்வலர்களுக்கு ஏற்ற இடமாகும். மேற்குத் தொடர்ச்சி மலைகளுக்கு அருகே இருப்பதால் மொத்த ஊரும் அழகாக மாறுகிறது. கோவையில் சாலை வழியாக ரசிக்க கூடிய 5 சுற்றுலா தளங்களை பற்றி பார்ப்போம். 

சிறுவாணி நீர்வீழ்ச்சி

கோயம்புத்தூரில் இருந்து சுமார் 37 கிலோமீட்டர் தொலைவில் அமைந்துள்ள சிறுவாணி நீர்வீழ்ச்சி, இயற்கை அழகு மற்றும் அமைதியை விரும்பும் சுற்றுலா பயணிகளின் ஏற்ற இடமாகும். பசுமையான காடுகள் மற்றும் தேயிலை தோட்டங்களுக்கு மத்தியில் அமைந்திருக்கும் இந்த இடம் மழைக்காலத்தில் மேலும் அழகாக மாறுகிறது. இங்குள்ள சிறுவாணி நீர்வீழ்ச்சிக்கு பலரும் அடிக்கடி வந்து செல்கின்றனர். இது நகர வாழ்க்கையிலிருந்து சில மணி நேரம் புத்துணர்ச்சியை தருகிறது. அருகில் இருக்கும் சிறுவாணி அணை அழகிய காட்சிகளை வழங்குகிறது. 

வால்பாறை

கோயம்புத்தூர் அருகே உள்ள ஆனைமலையில் அமைந்துள்ள வால்பாறை, அமைதி மற்றும் இயற்கை அழகை வெளிப்படுத்தும் ஒரு அழகான மலைவாசஸ்தலம். பசுமையான தேயிலை தோட்டங்களால் சூழப்பட்ட, அனைவராலும் ரசிக்க கூடிய இடங்கள் இங்கு ஏராளமாக உள்ளன. அருகில் உள்ள சோலையார் அணை இயற்கை அழகை மேலும் வலுப்படுத்துகிறது. அதே நேரத்தில் மூடுபனி மலைகள் ஒரு மயக்கும் சூழ்நிலையை உருவாக்குகின்றன. இயற்கை ஆர்வலர்கள் மற்றும் வனவிலங்கு ஆர்வலர்கள் அருகில் உள்ள பரம்பிக்குளம் வனவிலங்கு சரணாலயத்திற்கு செல்லலாம். அங்கு பல்வேறு வகையான பறவைகள் மற்றும் விலங்குகளை காணலாம்.

நெல்லியம்பதி மலைகள்

மேற்கு தொடர்ச்சி மலையில் கோயம்புத்தூரில் இருந்து சுமார் 65 கிலோமீட்டர் தொலைவில் அமைந்துள்ள நெல்லியம்பதி, செழிப்பான காபி மற்றும் ஆரஞ்சு தோட்டங்களுக்கு பெயர் பெற்ற இடம்  ஆகும். இங்கு பார்வையாளர்கள் பசுமையான நிலப்பரப்பின் அழகிய காட்சிகளை ரசிக்கலாம். மேலும் சீதர்குண்டு நீர்வீழ்ச்சி போன்ற அழகிய இடங்களை ஆராயலாம். சவன் பாறை பரந்த காட்சிகளை வழங்குகிறது. குளிர்ந்த காலநிலை மற்றும் அமைதியான சூழல், நெல்லியம்பதியை இயற்கை ஆர்வலர்களுக்கு பிடித்த இடமாக மாற்றுகிறது.

மருதமலை கோயில்

கோயம்புத்தூரில் இருந்து 12 கிலோமீட்டர் தொலைவில் இயற்கை எழில் கொஞ்சும் மலையின் மீது அமைந்திருக்கும் மருதமலை, அதன் ஆன்மீக முக்கியத்துவம் மற்றும் அழகிய காட்சிகளுக்காக புகழ்பெற்ற பழமையான கோயிலாகும். நுணுக்கமான கட்டிடக்கலையுடன் கூடிய இக்கோயில் பல நூற்றாண்டு கால வரலாற்றின் சான்றாக விளங்குகிறது. மழைக்காலத்தில், சுற்றியுள்ள நிலப்பரப்பு சொர்க்கமாக மாறும். குளிர்ந்த காற்று மற்றும் பரந்த காட்சிகளில் நனைந்தபடி, மக்கள் மலையின் மீது அமைதியான நடைபயணங்களை மேற்கொள்கின்றனர். இயற்கை மற்றும் கலாச்சார பாரம்பரியத்தை விரும்புவோருக்கு மருதமலை ஒரு சரியான இடமாகும்.

திருமூர்த்தி மலைகள்

கோயம்புத்தூரில் இருந்து சுமார் 80 கிலோமீட்டர் தொலைவில் அமைந்துள்ள அழகிய திருமூர்த்தி மலைகள் இயற்கை ஆர்வலர்களுக்கு சிறந்த இடம் ஆகும். இங்கே உள்ள புகழ்பெற்ற அமிர்தி விலங்கியல் பூங்காவில் பல்வேறு வனவிலங்குகள் உள்ளன. அருகிலுள்ள செட்டிபாளையம் ஏரி இயற்கை எழில் கொஞ்சும் ஓய்வெடுக்கும் தருணங்களுக்கு ஏற்றதாக உள்ளது. கூடுதலாக, வரலாற்றுச் சிறப்புமிக்க சிவன் கோயில் பசுமையான நிலப்பரப்பின் மத்தியில் ஒரு ஆன்மீக அடையாளமாக உள்ளது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!