ஜியோ, ஏர்டெல் மற்றும் விஐ வாடிக்கையார்களுக்கு மோசமான செய்தி!

Mobile data price hike : ஜியோ, ஏர்டெல் மற்றும் விஐ நிறுவனங்கள் மீண்டும் ரீசார்ஜ் திட்டங்களின் விலையை உயர்த்த வாய்ப்புள்ளதாக தகவல் வெளியாகியுள்ளது.

Mobile data price hike : ஜியோ, ஏர்டெல் மற்றும் விஐ நிறுவனங்கள் இந்த ஆண்டு மீண்டும் ரீச்சார்ஜ் திட்டங்களின் விலையை உயர்த்த வாய்ப்புள்ளதாக எக்னாமிக்ஸ் டைம்ஸ் தெரிவித்துள்ளது. இது மொபைல் பயன்படுத்தும் வாடிக்கையாளர்களுக்கு அதிர்ச்சியாக இருக்கலாம், ஆனால் உண்மை. அறிக்கையின்படி, டெலிகாம் நிறுவனங்கள் 2025-இன் இறுதிக்குள் தங்கள் ரீசார்ஜ் திட்டங்களின் விலையை கணிசமாக உயர்த்த திட்டமிட்டுள்ளன.

10-12% விலை உயர்வுக்கான திட்டம்

Economic Times (ET) அறிக்கையின்படி, இந்த ஆண்டு இறுதிக்குள் மொபைல் திட்டங்களின் விலை 10-12% வரை உயர்த்தப்படலாம். மே 2025 -ல், செயலில் உள்ள பயனர்களின் எண்ணிக்கை மற்றும் டேட்டா பயன்பாடு கணிசமாக அதிகரித்துள்ளது. இதனால், டெலிகாம் நிறுவனங்கள் மீண்டும் விலை உயர்வை நடைமுறைப்படுத்த தூண்டப்படுகின்றன.

2024-இல் ஏற்கனவே 11-23% உயர்வு

ஜூலை 2024 -ல், டெலிகாம் நிறுவனங்கள் தங்கள் திட்டங்களின் விலையை 11-23% உயர்த்தியுள்ளன. இப்போது மீண்டும் ஒரு உயர்வு, பயனர்களுக்கு கனத்ததாக இருக்கும். டியர் பிரைசிங் (Tier Pricing) அறிமுகப்படுத்தப்படலாம், இதன் மூலம் அதிக டேட்டா கொண்ட திட்டங்களின் நன்மைகள் குறைக்கப்படலாம்.

மே 2025 -ல் புதிய சாதனை

7.4 மில்லியன் புதிய பயனர்கள் சேர்ந்ததால், செயலில் உள்ள பயனர்களின் எண்ணிக்கை 1.08 பில்லியனை எட்டியுள்ளது. ரிலையன்ஸ் ஜியோ 5.5 மில்லியன் புதிய பயனர்களைச் சேர்த்து, சந்தையில் 53% பங்கைப் பிடித்தது. ஏர்டெல் 1.3 மில்லியன் பயனர்களைச் சேர்த்து, 36% சந்தை பங்கைப் பிடித்தது.

இரண்டாவது SIM பயன்பாடு மீண்டும் அதிகரிப்பு

ஒரு மூத்த தொழில்துறை நிபுணர் கூறுகையில், "மே மாதத்தில் செயலில் உள்ள பயனர்களின் எண்ணிக்கை உயர்வுக்கு காரணம், டெலிகாம் திட்டங்களின் விலை உயர்வு மட்டுமல்ல. மாறாக, பயனர்கள் இரண்டாவது SIM-ஐ மீண்டும் பயன்படுத்தத் தொடங்கியுள்ளனர்."என தெரிவித்தார். இப்போதைய சூழலில் 5G விரிவாக்கம் எவ்வளவு வேகமாக ஏற்றுக்கொள்ளப்படுகிறது என்பதைப் பொறுத்து, எதிர்காலத்தில் டெலிகாம் நிறுவனங்களின் யூசர்களின் எண்ணிக்கை வளர்ச்சி தீர்மானிக்கப்படும்.

ஜியோ & ஏர்டெல் ஆதிக்கம்

விஐ (Vodafone Idea) தொடர்ந்து பயனர்களை இழந்து வருகிறது, இது ஏர்டெல் மற்றும் ஜியோவுக்கு சந்தையில் அதிக பங்கைப் பிடிக்க வாய்ப்பளிக்கிறது. இதேபோன்று ஜியோ மற்றும் ஏர்டெல் போன்ற நிறுவனங்களின் வளர்ச்சி அடைந்தால், எதிர்காலத்தில் விலை உயர்வுகள் கூடுதலாக இருக்க வாய்ப்புள்ளது என மார்க்கெட் நிபுணர்கள் தெரிவிக்கின்றனர். இது குறைந்த மற்றும் நடுத்தர வருமான பயனர்களுக்கு அதிக பாதிப்பை ஏற்படுத்தும். குறைந்த வருமானம் உள்ள யூசர்கள் ஏற்கனவே அதிக விலைகளால் பாதிக்கப்பட்டுள்ளனர். நடுத்தர மற்றும் உயர் வருமான பயனர்களை இலக்காக்கி, நிறுவனங்கள் தங்கள் திட்டங்களின் விலையை உயர்த்தலாம். ஒரு தொழில்நுட்ப வல்லுநர் கூறுகையில், *"10-12% விலை உயர்வு இருக்கலாம், ஆனால் அது அனைத்து பயனர் குழுக்களுக்கும் ஒரே மாதிரியாக இருக்காது."*

இறுதியாக பார்த்தால், டெலிகாம் நிறுவனங்கள் 2025-இன் இறுதிக்குள் புதிய விலை உயர்வுகளை அறிமுகப்படுத்தலாம். இது குறிப்பாக நடுத்தர மற்றும் உயர் வருமான பயனர்களை அதிகம் பாதிக்கும். ஜியோ மற்றும் ஏர்டெல் தங்கள் சந்தை பங்கை அதிகரிக்கும் வாய்ப்பைப் பயன்படுத்திக் கொள்ளலாம். பயனர்கள் தங்கள் மாதாந்திர செலவுகளை மதிப்பாய்வு செய்து, தேவைக்கேற்ப மிகவும் சிறந்த திட்டத்தைத் தேர்ந்தெடுக்க வேண்டிய சூழலுக்கு தள்ளப்படுவார்கள்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!