Liquor Shops: ఏపీలో మళ్లీ వైన్స్‌ దుకాణాలకు దరఖాస్తులు.. అదృష్టం పరీక్షించుకోండి

Get Lucky Chance To Get Wine Shops In Andhra Pradesh: ఏపీలో మరోసారి మద్యం దుకాణాలకు టెండర్ల కేటాయింపు ప్రారంభమైంది. లాభదాయకమైన ఈ వ్యాపారంలో రాణించాలనుకునేవారు అదృష్టం పరీక్షించుకోండి. దుకాణాల కేటాయింపు ప్రక్రియ తెలుసుకోండి.

Wine Shops Tender Notification: కొత్త మద్యం విధానం అమలుతో ఆంధ్రప్రదేశ్‌లో మద్యం దుకాణాల కేటాయింపు ముగిసిన విషయం తెలిసిందే. తాజాగా మరికొన్ని మద్యం దుకాణాలకు టెండర్లు ఇస్తూ ప్రభుత్వం ఆదేశాలు జారీ చేసింది. మరోసారి దరఖాస్తు చేసుకునేందుకు ఆసక్తిగల వారికి అవకాశం కల్పించింది. అయితే ఈ మద్యం దుకాణాలు మాత్రం అందరికీ కాకుండా కొందరికే కేటాయించనున్నారు. ఒక వర్గానికి మాత్రమే అవకాశం ఇస్తూ ప్రభుత్వం ఉత్తర్వులు జారీ చేసింది.

మద్యం దుకాణాల కేటాయింపులో గీత కులాలకు ఏపీ ప్రభుత్వం అవకాశం కల్పిస్తోంది. గీత సామాజికవర్గానికి 335 మద్యం దుకాణాలు రిజర్వేషన్‌ ఇచ్చారు. ఈ దుకాణాల లైసెన్స్ గడువు 30 సెప్టెంబర్‌ 2026 వరకు ఉంటుంది. తాజాగా ఆ మద్యం షాప్‌లకు ప్రభుత్వం నోటిఫికేషన్ విడుదల చేసింది. రాష్ట్రవ్యాప్తంగా జిల్లా ప్రోహిబిషన్, ఎక్సైజ్ అధికారి దుకాణాల కోసం దరఖాస్తుల నోటిఫికేషన్ జారీ చేశారు. ఆయా జిల్లాల కలెక్టర్ల ఆధ్వర్యంలో లాటరీలు తీసి లైసెన్స్‌లు ఎంపిక చేయనున్నారు.

దరఖాస్తు ప్రక్రియ ఇలా..

• మద్యం దుకాణాలు పొందాలనుకునే వారు కొన్ని పత్రాలు, నగదు నిల్వ అభ్యర్థులు తమ కుల, నేటివిటీ ధ్రువపత్రాలు సమర్పించాల్సి ఉంటుంది.
• ఒక దుకాణానికి ఫీజు రూ.2 లక్షలు చెల్లించాల్సి ఉంది. ఇది తిరిగి చెల్లించబడదు.
• ఒక అభ్యర్థి ఆయా జిల్లాల పరిధిలో కేటించిన అన్ని షాపులకు అప్లికేషన్లు వేసుకోవచ్చు.
• ఒక అభ్యర్థికి ఒక దుకాణం మాత్రమే కేటాయిస్తారు.
• లాటరీలో ఒకటి కంటే అధిక దుకాణాలు వస్తే ఏదో ఒకటి మాత్రమే ఎంచుకోవాల్సి ఉంటుంది.
• ఈ షాపులు లైసెన్స్ గడువు 30 సెప్టెంబర్ 2026 వరకు ఉంటుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.