સારા સમાચાર! PM કિસાન યોજનાના આગામી 20મા હપ્તા અંગે આવ્યું નવું અપડેટ, ખેડૂતોની રાહ પૂરી, જાણો ડિટેલ્સ

PM kisan 20th Installment Date: ખેડૂતો જે સમયની આતુરતાથી રાહ જોઈ રહ્યા છે તે સમય નજીકમાં હોવાનો જાણવા મળી રહ્યું છે, કરોડો ખેડૂતો પીએમ કિસાનના હપ્તાની રાહ જોઈને બેઠા છે, ત્યારે હવે 19માં હપ્તો ખાતામાં નાખ્યાને 4 મહિના જેટલું થઈ ગયું છે, ત્યારે હવે ખેડૂતો 20માં હપ્તાની રાહ જોઈ રહ્યા છે. જો કે 20માં હપ્તા અંગે હવે નવી તારીખ જાણવા મળી છે.

20th installment: પ્રધાનમંત્રી કિસાન સન્માન નિધિ યોજનાના 20મા હપ્તાની રાહ જોઈ રહેલા કરોડો ખેડૂતો માટે મોટા સમાચાર છે! અહેવાલો અનુસાર, 20મો હપ્તો આ તારીખના ના રોજ ખાતામાં આવી શકે છે. એવું કહેવામાં આવી રહ્યું છે કે આ દિવસે વડા પ્રધાન નરેન્દ્ર મોદી વારાણસીની મુલાકાતે હશે અને ત્યાંથી ખેડૂતોના ખાતામાં 2000 રૂપિયા ટ્રાન્સફર કરી શકાશે. જોકે સરકાર દ્વારા હજુ સુધી તેની સત્તાવાર પુષ્ટિ કરવામાં આવી નથી, પરંતુ 20મા હપ્તાના પૈસા ખાતામાં નાખવાની પ્રક્રિયા ઝડપી બનાવવામાં આવી છે.

છેલ્લો હપ્તો ક્યારે આવ્યો અને આ વખતે કેમ વિલંબ થયો?

ખેડૂતોને યાદ હશે કે છેલ્લી વખત 19મો હપ્તો 24 ફેબ્રુઆરી 2025 ના રોજ ખાતામાં નાખવામાં આવ્યો હતો. હવે ચાર મહિનાથી વધુ સમય વીતી ગયો છે, અને ખેડૂતો આગામી હપ્તાની આતુરતાથી રાહ જોઈ રહ્યા છે. ઘણા ખેડૂતો એ પણ જાણવા માંગે છે કે આ વખતે હપ્તો ખાતામા નાખવામાં થોડો વિલંબ કેમ થઈ રહ્યો છે.

પીએમ કિસાન યોજના શું છે?

પ્રધાનમંત્રી કિસાન સન્માન નિધિ યોજના કેન્દ્ર સરકાર દ્વારા શરૂ કરવામાં આવેલી એક ખૂબ જ મહત્વપૂર્ણ યોજના છે. તેનો મુખ્ય ઉદ્દેશ્ય દેશના નાના અને ગરીબ ખેડૂતોને નાણાકીય સહાય પૂરી પાડવાનો છે. આ યોજના હેઠળ, પાત્ર ખેડૂતોને દર વર્ષે 6000 રૂપિયાની નાણાકીય સહાય આપવામાં આવે છે. આ રકમ ખેડૂતોના બેંક ખાતામાં ત્રણ સમાન હપ્તાઓમાં (દરેક 2000 રૂપિયા) DBT (ડાયરેક્ટ બેનિફિટ ટ્રાન્સફર) દ્વારા સીધી ટ્રાન્સફર કરવામાં આવે છે, જેથી તેઓ તેનો ઉપયોગ કૃષિ કાર્ય માટે કરી શકે.

આ યોજના કેન્દ્ર સરકારે 1 ડિસેમ્બર 2018 ના રોજ શરૂ કરી હતી. આ યોજના શરૂ થયા પછી, ખેડૂતોના ખાતામાં દર વર્ષે 6000 રૂપિયાની સહાય આપવામાં આવી રહી છે, જે તેમને ઘણી મદદ કરી રહી છે.

પીએમ કિસાન યોજના માટે કેવી રીતે અરજી કરવી?

જો તમે પણ આ યોજનાનો લાભ લેવા માંગતા હો, તો ખેડૂતો pmkisan.gov.in વેબસાઇટ પર જઈને પ્રધાનમંત્રી કિસાન સન્માન નિધિ યોજના માટે ઓનલાઈન અરજી કરી શકે છે. અરજી માટે, તેમને આધાર કાર્ડ, બેંક ખાતાની વિગતો અને જમીન સંબંધિત દસ્તાવેજોની જરૂર પડશે. આ દસ્તાવેજોના આધારે, તેઓ યોજના માટે અરજી કરી શકે છે અને જો પાત્ર હોય તો નાણાકીય સહાય મેળવી શકે છે.