સોનાના ભાવ એકવાર ફરીથી તૂટી રહ્યા છે. MCX પર ગોલ્ડ 393 રૂપિયા તૂટીને 96028 રૂપિયા પર ટ્રેડ થઈ રહ્યું છે. આ જ હાલ ચાંદીની પણ જોવા મળી છે. ચાંદી પણ હળવા ઘટાડા સાથે 98053 રૂપિયા પ્રતિ કિલોગ્રામ પર ટ્રેડ થઈ રહી છે. ડોલર ઈન્ડેક્સ 99ની નીચે ગગડીને એક મહિનાના નીચલા સ્તર પર આવી ગયો છે. તેના પગલે સોનાના ભાવમાં 70 ડોલરનો ઉછાળો જોવા મળ્યો. ક્રૂડ ઓઈલનો ભાવ 64 ડોલરની આસપાસ સ્થિર રહ્યો. જો કે રિટેલ બજારમાં સોનું સામાન્ય ઘટાડા સાથે અને ચાંદી ઉછળેલી જોવા મળી છે. જાણો લેટેસ્ટ રેટ.
આજનો સોના અને ચાંદીનો ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ના રેટ્સ જોઈએ તો 999 શુદ્ધતાવાળા 10 ગ્રામ સોનાના ભાવમાં આજે 89 રૂપિયાનો ઘટાડો જોવા મળ્યો છે અને ભાવ 95382 રૂપિયા પર પહોંચી ગયો છે. લાસ્ટ સેશનમાં ભાવ કડાકા સાથે 95,471 રૂપિયા પર ક્લોઝ થયો હતો. જ્યારે ચાંદીમાં વધારો જોવા મળ્યો છે. ચાંદી આજે 1910 રૂપિયા ઉછળીને 97,710 રૂપિયા પ્રતિ કિલોગ્રામ પર પહોંચી ગયો છે. જ્યારે લાસ્ટ સેશનમાં ચાંદીનો ભાવ 95,800 રૂપિયા પર ક્લોઝ થયો હતો.
રિટેલ ભાવ
999 પ્યોરિટીવાળું 1 ગ્રામ સોનું 9,547 રૂપિયા, 995 પ્યોરિટીવાળું 1 ગ્રામ સોનું 9,508, 916 પ્યોરિટીવાળું 8,745 રૂપિયા, 750 પ્યોરિટીવાળું ગોલ્ડ 7,160 રૂપિયા અને 585 પ્યોરિટીવાળું 1 ગ્રામ સોનું 5,585 રૂપિયાનો ભાવ જોવા મળી રહ્યો છે.
Disclaimer
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
