Google Pay આપી રહ્યું છે 10 લાખ રૂપિયા સુધીની લોન, જાણો કોણ લઈ શકે છે લોન અને કેવી રીતે કરવી અરજી ?

Google Pay Loan : પૈસાની તાત્કાલિક જરૂરિયાત પુરી કરવાનો સૌથી સરળ રસ્તો પર્સનલ લોન છે. બેંકોથી લઈને NBFC સુધી દરેક વ્યક્તિ પર્સનલ લોન આપે છે. હવે ડિજિટલ વોલેટ્સે પણ આ વ્યવસાયમાં એન્ટ્રી કરી છે.

Google Pay Loan : ડિજિટલ વોલેટ ગુગલ પે (GPay) દેશની ઘણી બેંકો સાથે ભાગીદારીમાં પર્સનલ લોન પૂરી પાડે છે. બેંક 30 હજાર રૂપિયાથી લઈને 10 લાખ રૂપિયા સુધીની તાત્કાલિક પર્સનલ લોન પૂરી પાડે છે. લોનની મુદત 6 મહિનાથી 5 વર્ષ સુધીની હોય છે. આવી સ્થિતિમાં જો તમે ગુગલ પે પાસેથી લોન લેવાનું વિચારી રહ્યા છો, તો તમારે કેટલું વ્યાજ ચૂકવવું પડશે તે અંગે કેટલીક બાબતો જાણવી જોઈએ. ઉપરાંત, તમે Google Pay દ્વારા લોન માટે કેવી રીતે અરજી કરી શકો છો, તેના વિશે આ લેખમાં જાણીશું.

10.50% થી 15% સુધી વ્યાજ 

જો તમે Google Pay પરથી લોન લો છો, તો તમારે 10.50% થી 15% સુધીનું વ્યાજ ચૂકવવું પડી શકે છે. વ્યાજ દર ક્રેડિટ સ્કોરના આધારે નક્કી કરવામાં આવે છે. લોન લેવાની પ્રક્રિયા સંપૂર્ણપણે ડિજિટલ છે અને તેમાં કોઈ કાગળ સબમિટ કરવાની જરૂર નથી. લોન લેનાર વ્યક્તિની ઉંમર ઓછામાં ઓછી 21 વર્ષની હોવી જોઈએ. તેમજ નિયમિત આવકનો સ્ત્રોત હોવો પણ મહત્વપૂર્ણ છે. EMI તમારા બેંક ખાતામાંથી કાપવામાં આવે છે.

લોન માટે કેવી રીતે અરજી કરવી ?

• Google Pay એપ ખોલો અને Money ટેબ પર જાઓ
• Loan વિભાગમાં ઉપલબ્ધ ઓફર્સ ચેક કરો
• ઉપલબ્ધ ઓફર પર ટેપ કરો અને સૂચનાઓનું પાલન કરો
• KYC ડોક્યુમેન્ટ અપલોડ કરો અને Loan Agreements પર ઈ-સાઈન કરો
• લોન મંજૂર થયા પછી રકમ સીધી તમારા બેંક ખાતામાં જમા કરવામાં આવશે

લોન ચુકવણી પ્રક્રિયા

ગુગલ પે દ્વારા લોનનો માસિક EMI તમારા લિંક કરેલા બેંક ખાતામાંથી સીધો કાપવામાં આવે છે. તેથી દંડ ટાળવા માટે પૂરતું બેલેન્સ રાખવું જરૂરી છે. લોનની અરજી દરમિયાન નિયત તારીખો અને રકમ સાથેનું ચુકવણી શેડ્યુલ જાહેર કરવામાં આવે છે.