આંતરરાષ્ટ્રીય બજારમાં થોડા ઉતાર ચડાવ વચ્ચે ઘરેલુ વાયદા બજારમાં બુલિયન્સમાં નબળાઈ જોવા મળી રહી છે. સોના અને ચાંદી બંનેમાં કડાકો જોવા મળ્યો છે. MCX પર સોનું ₹85,800 નીચે ગગડી ગયું છે. ઓપનિંગ બાદ સોનામાં 300 રૂપિયા સુધીનો ઘટાડો જોવા મળ્યો હતો. ચાંદી 200 રૂપિયા તૂટી હતી અને ₹98000 નીચે ભાવ હતો. ગ્લોબલ માર્કેટમાં સોનાનો ભાવ $2900 નજીક હતો. મજબૂત બોન્ડ યીલ્ડથી સોના-ચાંદી પર દબાણ પડી રહ્યું છે. જ્યારે ડોલર 104ની નીચે 4 મહિનાના નીચલા સ્તરે છે.
વાયદા બજારમાં ભાવ
આજે સવારે 10 વાગ્યાની આસપાસ MCX પર સોનું 244 રૂપિયાના કડાકા સાથે 85,790 રૂપિયા પ્રતિ 10 ગ્રામ પર જોવા મળ્યું હતું. ગુરુવારે સોનું 86,034 રૂપિયા પર ક્લોઝ થયું હતું. ચાંદી આ દરમિયાન 166 રૂપિયા પ્રતિ કિલોગ્રામના ઘટાડા સાથે 97,975 રૂપિયા પર જોવા મળી હતી. કાલે તે 98,141 રૂપિયા પર બંધ થઈ હતી.
શરાફા બજારમાં ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે ગઈ કાલના ઓપનિંગ રેટ કરતા 380 રૂપિયાના ઘટાડા સાથે જોવા મળ્યું. કાલે સોનું 86,346 રૂપિયા પર ખુલ્યું હતું જે આજે 85,966 રૂપિયાની સપાટીએ જોવા મળ્યું. કાલે સોનું 85,896 રૂપિયાની સપાટીએ કડાકા સાથે ક્લોઝ થયું હતું. ચાંદીની વાત કરીએ તો ચાંદી કાલના ઓપનિંગ રેટ કરતા આજે 102 રૂપિયા ગગડીને 96,796 રૂપિયા પ્રતિ કિલોગ્રામની સપાટીએ જોવા મળી જે કાલે 96896 રૂપિયા પર ખુલી હતી. જ્યારે ગઈ કાલે સાંજે કડાકા સાથે 96,460 રૂપિયા પર ક્લોઝ થઈ હતી.
Disclaimer
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
