પતંજલિ મેગા ફૂડ એન્ડ હર્બલ પાર્ક: 10,000 યુવાઓને મળશે રોજગારી, ખેડૂતો માટે ફાયદાકારક સાબિત થશે, જાણો કેવી રીતે

Patanjali Mega Food And Herbal Park: પતંજલિ મેગા ફૂડ એન્ડ હર્બલ પાર્કથી ખેડૂતોને ફાયદો થશે. આ સાથે રોજગારીની પણ વિપુલ તકો સર્જાશે. જાણો વિગતો.

નાગપુરમાં આવેલા મલ્ટી મોડલ ઈન્ટરનેશનલ કાર્બો હબ અને એરપોર્ટ વિસ્તારમાં પતંજલિ મેગા ફૂડ એન્ડ હર્બલ પાર્ક હવે આગામી 9 માર્ચ 2025થી કામગીરી શરૂ કરવા માટે તૈયાર છે.  

નાગપુરમાં બની રહેલા પતંજલિ મેગા ફૂડ એન્ડ હર્બલ પાર્કથી ખેડૂતોને તો સીધો લાભ મળશે જ સાથે સાથે તે રોજગારીની તકો પણ વધારશે. પ્રાથમિક તબક્કામાં આ પાર્કે લગભગ 500 લોકોને પ્રત્યક્ષ અને પરોક્ષ રીતે રોજગારી આપી છે, પરંતુ ભવિષ્યમાં આ સંખ્યા 10,000 સુધી પહોંચે તેવી આશા છે. 

આ ફૂડ પાર્કમાં ફળો અને શાકભાજીના પ્રોસેસિંગ માટે અત્યાધુનિક મશીનો લગાવવામાં આવી છે. જેનાથી વિવિધ પ્રકારના ઉત્પાદનો તૈયાર કરાશે. અહીં બનનારા ઉત્પાદનોની વૈશ્વિક માંગણીને જોતા સ્થાનિક યુવાઓને તાલિમ આપીને રોજગારી અપાશે. 

આ ઉપરાંત ખેડૂતો માટે પણ આ પાર્ક ફાયદાકારક સાબિત થશે. પતંજલિ સીધું ખેડૂતો પાસેથી ઉપજ ખરીદીને તેમને એક સ્થિર અને યોગ્ય બજાર ઉપલબ્ધ કરાવશે. આ સાથે જ તેમને જૈવિક ખેતી અને માટી પરીક્ષણ જેવી સુવિધાઓ પણ આપવામાં આવશે.

આ મેગા ફૂડ પાર્ક માત્ર નાગપુર જ નહીં પરંતુ સમગ્ર વિદર્ભ વિસ્તાર માટે એક આર્થિક બદલાવનું કેન્દ્ર બનશે જેનાથી હજારો લોકોને રોજગારી મળવાની સાથે સાથે પ્રાદેશિક અર્થવ્યવસ્થાને પણ મજબૂતી મળશે.