Regaal Resources IPO: જો તમે પણ કોઈ IPOમાં દાવ લગાવવાનું વિચારી રહ્યો છો, તો આ સમાચાર તમારા માટે જ છે. આગામી દિવસોમાં ઘણી કંપનીઓના ઈશ્યૂ રોકાણ માટે ખુલ્લા રહેશે. આમાંથી એક કૃષિ ક્ષેત્રમાં કામ કરતી કંપની રીગલ રિસોર્સિસ લિમિટેડનો IPO છે. કંપનીએ 306 કરોડ રૂપિયાના IPO માટે પ્રતિ શેર 96-102 રૂપિયાની કિંમત નક્કી કરી છે. કોલકાતા સ્થિત કંપનીએ ગુરુવારે જાહેરાત કરી હતી કે, પ્રારંભિક શેર વેચાણ 12 ઓગસ્ટથી શરૂ થશે અને 14 ઓગસ્ટ સુધી જાહેર સબ્સ્ક્રિપ્શન માટે ખુલ્લું રહેશે. કંપનીના શેર ગ્રે માર્કેટમાં 18 રૂપિયાના પ્રીમિયમ પર ઉપલબ્ધ છે.
કંપનીની યોજના
આ IPOમાં 210 કરોડ રૂપિયાના નવા શેર જાહેર કરવામાં આવશે અને પ્રમોટર્સ 96 કરોડ રૂપિયાના 94.12 લાખ શેર વેચાણ માટે મૂકશે, જે કિંમત શ્રેણીના ઉચ્ચતમ સ્તરે હશે. આમ, ઇશ્યૂનું કદ રૂ. 306 કરોડ થાય છે. નવા ઇશ્યૂમાંથી એકત્ર કરાયેલા રૂ. 159 કરોડનો ઉપયોગ દેવાની ચુકવણી માટે કરવામાં આવશે અને બાકીની રકમ કંપનીના સામાન્ય કામગીરી માટે ઉપયોગમાં લેવામાં આવશે.
13 ઓગસ્ટથી બદલશે આ 5 રાશિઓની તકદીર, ગુરુનું નક્ષત્ર પરિવર્તનથી થશે મોટો લાભ; કરાવશે ધનના ઢગલા!
શું કરે છે કંપની?
ભારતમાં મકાઈ આધારિત સ્ટાર્ચ, સ્પેશિયાલિટી સ્ટાર્ચ, ફૂડ-ગ્રેડ સ્ટાર્ચ અને સ્ટાર્ચથી મેળવેલા ઉત્પાદનોના નિર્માતાઓમાંથી એક, રીગલ રિસોર્સિસની દરરોજ 750 ટન ક્રશિંગ ક્ષમતા ધરાવે છે. કંપનીની કાર્યકારી આવક નાણાકીય વર્ષ 2024-25માં 52.52 ટકા વધીને રૂ. 915.16 કરોડ થઈ છે જે પાછલા નાણાકીય વર્ષમાં રૂ. 600.02 કરોડ હતી. સમીક્ષા હેઠળના નાણાકીય વર્ષમાં ચોખ્ખો નફો બમણાથી વધુ વધીને રૂ. 47.67 કરોડ થયો છે જે એક વર્ષ અગાઉ 2023-24 માં રૂ. 22.14 કરોડ હતો.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે