)
Abhishek Bachchan Cryptic Post: છેલ્લા ઘણા સમયથી અભિષેક બચ્ચન અને ઐશ્વર્યા રાયના છૂટાછેડાના અહેવાલો આવી રહ્યા છે. જો કે, આ અહેવાલો પછી આ બન્ને સ્ટાર્સ પણ સાથે જોવા મળ્યા હતા, જેના પછી આ અહેવાલો પર વિરામ લાગી ગયો હતો. જ્યારે હવે જુનિયર બચ્ચને એક એવી ક્રિપ્ટિક પોસ્ટ કરી છે જેમાં તે ફક્ત પોતાની સાથે સમય વિતાવવાની વાત કરી રહ્યો છે. આ પોસ્ટથી લોકો તેમના છૂટાછેડાની અફવાઓને ફરીથી જોડી રહ્યા છે.
અભિષેકની ક્રિપ્ટિક પોસ્ટ
અભિષેક બચ્ચને ઇન્સ્ટાગ્રામ પર એક ઓફિશિયલ પોસ્ટ કરી. આ પોસ્ટમાં લખ્યું છે કે- 'હું એક વાર ગાયબ થવા માંગુ છું. ભીડમાં ખુદને ફરીથી શોધવા માંગુ છું. જે કંઈ પણ હતું તે બધુ આપી દીધું મારા પ્રિયજનોને માટે, હવે થોડો સમય બસ મારા માટે માંગુ છું.' આ પોસ્ટ સાથે અભિનેતાએ કેપ્શન લખ્યું કે, 'ક્યારેક-ક્યારેક ખુદને મળવા માટે, બધાથી missing થવું પડે છે.'
રાહુના નક્ષત્રમાં રહીને ગુરુ કરશે માલામાલ, આ 3 રાશિઓને અપાવશે ઘન-સન્માન અને સફળતા!
થોડીવારમાં જ વાયરલ થઈ ગઈ આ પોસ્ટ
અભિનેતાની આ પોસ્ટ થોડીવારમાં જ વાયરલ થઈ ગઈ. આ પોસ્ટ પર અભિષેકના ફેન્સે તેમને સલાહ આપવાનું શરૂ કર્યું છે. એક યુઝરે લખ્યું કે, 'તમે કબડ્ડી માટે ઘણું કર્યું છે, તમારે થોડા દિવસો માટે હિમાચલ આવવું જોઈએ, તમને તે ખૂબ ગમશે.' બીજાએ લખ્યું કે, 'લોકલ ટ્રેન પકડીને સવારે 8 વાગ્યે અને પછી સાંજે 6 વાગ્યે ચર્ચ ગેટ જાઓ. તમારી બધી સમસ્યાઓ દૂર થઈ જશે.'
શું 1941નો ઈતિહાસનું પુનરાવર્તન કરી રહ્યું છે 2025... સંયોગ કે પછી વિનાશનો સંકેત?
'હાઉસફુલ 5'માં મળ્યો જોવા
અભિષેક બચ્ચન છેલ્લી વખત હાઉસફુલ 5 (Housefull 5)માં જોવા મળ્યો હતો. આ ફિલ્મે વર્લ્ડવાઈડ 250 કરોડની કમાણી કરી હતી. આ પહેલા તે 'બી હેપ્પી' ફિલ્મમાં જોવા મળ્યો હતો. આ ફિલ્મની કહાની એક સિંગલ પિતા વિશે છે. જેનું સપનું પોતાના બાળકના સપના પૂરા કરવાનું છે. રિપોર્ટ્સ પર વિશ્વાસ કરવામાં આવે તો અભિષેક શાહરૂખ ખાનની ફિલ્મ 'કિંગ'માં જોવા મળવાનો છે. આ ફિલ્મમાં શાહરૂખ ખાનની પુત્રી સુહાના પહેલીવાર કિંગ ખાન સાથે સ્ક્રીન શેર કરતી જોવા મળશે. આ ફિલ્મને લઈને ઘણી ચર્ચા ચાલી રહી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
