ત્રીજા દિવસે '2.0'નો BOX OFFICE ધમાકો, આટલા કરોડની થઈ કમાણી

સુપરસ્ટાર રજનીકાંત તેમજ અક્ષયકુમારની ફિલ્મ '2.0'એ પહેલા દિવસે જ 100 કરોડ રૂ.ની કમાણીનો આંકડો પાર કરી લીધો છે

નવી દિલ્હી : આ વર્ષની સૌથી ચર્ચિત ફિલ્મ '2.0' કમાણીના મામલે પહેલા જ દિવસથી બોક્સ ઓફિસ પર છવાયેલી છે. સુપરસ્ટાર રજનીકાંત તેમજ અક્ષયકુમારની ફિલ્મ '2.0'એ પહેલા જ દિવસે 100 કરોડ રૂ.ની કમાણીનો આંકડો પાર કરી લીધો હતો અને બે દિવસની અંદર આ ફિલ્મની કમાણી 190 કરોડ રૂ. સુધી પહોંચી ગઈ છે. આ ગણતરી પ્રમાણે રજનીકાંત બોક્સઓફિસના સાચા બાહુબલી સાબિત છે. આ ફિલ્મના હિન્દી વર્ઝને પહેલા દિવસે 20.25 કરોડ રૂ. અને બીજા દિવસે 19 કરોડ રૂ.ની કમાણી કરી છે. હવે આ ફિલ્મના હિન્દી વર્ઝનનું ત્રીજા દિવસનું બોક્સ ઓફિસ કલેક્શન સામે આવ્યું છે. 

#2Point0 in Hindi had a very good Saturday.. Early Estimates for All-India Nett for Day 3 is ₹ 25 Crs..

This is better than Day 1 by nearly ₹ 5 Crs..

— Ramesh Bala (@rameshlaus) December 2, 2018

ફિલ્મ સમીક્ષક રમેશ બાલાએ આપેલી માહિતી પ્રમાણે '2.0'એ હિન્દી ભાષામાં ત્રીજા દિવસે કુલ 25 કરોડ રૂ.ની કમાણી કરવામાં સફળતા મેળવી છે. આ આંકડાઓ પ્રમાણે આ ફિલ્મે હિન્દી ભાષામાં કુલ 64.25 કરોડ રૂ.ની કમાણી કરી છે. આ એક મોટો આંકડો છે. નોંધનીય છે કે રજનીકાંત અને અક્ષયકુમારની '2.0' તામિલ, તેલુગુ અને હિન્દી ભાષામાં રિલીઝ થઈ છે અને હાલમાં માત્ર હિન્દીનું કલેક્શન સામે આવ્યું છે. તામિલ અને તેલુગુ ભાષાનું ત્રીજા દિવસનું કલેક્શન હજી સામે નથી આવ્યું. 

#2Point0 2 Days WW BO:

Gross:#India - ₹ 135 Crs

Overseas - ₹ 55 Crs

Total - ₹ 190 Crs

— Ramesh Bala (@rameshlaus) December 1, 2018

ફિલ્મ 2.0માં આગામી સમયમાં મોબાઈલ ફોનથી થનાર મુશ્કેલીઓને બતાવવામાં આવી છે. અક્ષય કુમારનો 'મોબાઈલ રખને વાલા હર આદમી હત્યારા' ડાયલોગ જ ઘણી મોટી વાત કહી જાય છે. આ ફિલ્મ 2 કલાક 28 મિનિટની છે.  જો તમે અક્ષયકુમાર અને રજનીકાંતના મોટા ચાહક હો તો આ ફિલ્મ ચૂકવા જેવી નથી. આ ફિલ્મને પાંચમાંથી સાડાત્રણ સ્ટાર આપી શકાય.