હાર્દિક અને રાહુલ છે બદમાશ કંપની, કોફી વિથ કરણમાં ખુલશે વિચાર્યા ન હોય એવા રાઝ

મુંબઈ : કરણ જોહરના જાણીતા શો કોફી વિથ કરણના આગામી એપિસોડમાં હાર્દિક પટેલ અને કે.એલ. રાહુલ જેવા ક્રિકેટરો ફટકાબાજી કરતા જોવા મળશે. દર્શકોએ અત્યાર સુધી બોલીવૂડના સેલિબ્રિટીઓને જ જોયા છે. કોફી વિથ કરણ-6ના આવનારા એપિસોડમાં ક્રિકેટર હાર્દિક પંડ્યા અને કે. એલ. રાહુલ બંનેની જોડી જોવા મળશે. આ એપિસોડનું શૂટિંગ પૂર્ણ થઈ ગયું છે અને આ શોનો એક પ્રોમો રીલિઝ કરવામાં આવ્યો છે. આ પ્રોમોમાં જેમાં હાર્દિક પંડ્યા અને કે.એલ.રાહુલ કરણ જોહર સાથે ખૂબ મોજ-મસ્તી કરી રહ્યા છે. પ્રોમો જોયા બાદ એવું લાગી રહ્યું છે કે ક્રિકેટર્સ શોમાં મોટામોટા શોટ્સ મારવાના છે. 

View this post on Instagram

Bowling over fans on the pitch and on the couch, K.L. Rahul & Hardik Pandya get stumped next week on #KoffeeWithKaran! . . . . #KoffeeWithKLRahul #KoffeeWithHardik #KoffeeWithCricketers #hardikpandya #klrahul #cricket #TeamIndia #IndianCricketTeam #klrahul #hardikpandya #cricket #cricketvideos #cricket_love #cricketlover #lovecricket #indiancricketteam #indiancricket

A post shared by Star World (@starworldindia) on Dec 30, 2018 at 8:55am PST

પ્રોમોમાં જ્યારે કરણે આ બંને ખેલાડીઓને પૂછ્યું કે, ચીયરલીડર્સને જોઈને કોનું ધ્યાન ભટકે છે? ત્યારે રાહુલે કહ્યું કે, હાર્દિકનું ધ્યાન ક્યારેય ભટકતું નથી. કારણ કે તે એ તમામ ચિયરલીડર્સ સાથે ડેટ કરી ચૂક્યો છે. કે. એલ. રાહુલે એ પણ વાત કહી કે, લોકો વિચારતા હોય છે કે, રાહુલ અને હાર્દિક પંડ્યા ડેટ કરતા રહે છે.

કોફી વિથ કરણના આ ખાસ એપિસોડમાં જ્યારે કરણે પૂછ્યું કે, તમે ક્યારેય કોઈ છોકરીને ફ્લર્ટ મેસેજ ફોરવર્ડ કર્યો છે? ત્યારે હાર્દિક પંડ્યાએ આંગળીથી પોતાના તરફ ઈશારો કર્યો. આ એપિસોડમાં આ પ્રકારના અનેક સવાલ પર હાર્દિક અને રાહુલના પ્રતિસાદ જોવા જેવા છે. જોકે, આ સિવાય પણ ક્રિકેટને લગતી વાત પણ કરવામાં આવી છે.