કંગના રનૌતે રક્ષામંત્રી રાજનાથ સિંહ સાથે કરી મુલાકાત, ફિલ્મ 'તેજસ' માટે લીધા આશીર્વાદ

નવી દિલ્હીઃ કંગના રનૌત જલદી ફિલ્મ તેજસમાં જોવા મળશે. હવે તેણે આ ફિલ્મને લઈને રક્ષામંત્રી રાજનાથ સિંહ સાથે મુલાકાત કરી છે. તેણે સોશિયલ મીડિયા પર તેની તસવીર પણ શેર કરી છે. તેમાં રક્ષામંત્રીને કંગના સાથે ફિલ્મને લઈને વાતચીત કરતા જોઈ શકાય છે.

કંગના રનૌતે રક્ષામંત્રી રાજનાથ સિંહ પાસે શુભેચ્છા પણ માગી છે. કોરોના વાયરસ બાદ ફિલ્મ અભિનેત્રી કંગના રનૌત એકવાર ફરી એક્શનમાં જોવા મળી રહી છે. તે પોતાની ફિલ્મો પૂરી કરી રહી છે અને કેટલીક નવી ફિલ્મોની તૈયારી કરી રહી છે. થોડા સમય પહેલા કંગનાએ સોશિયલ મીડિયા પર રક્ષા મંત્રી રાજનાથ સિંહ સાથે મુલાકાતની તસવીરો શેર કરી છે. તે ફિલ્મ તેજસ સાથે જોડાયેલી મંજૂરી માટે રાજનાથ સિંહને મળી હતી. 

Today team #Tejas met honourable defence minister Shri @rajnathsingh ji for his blessings, we shared the script of our film Tejas with @IAF_MCC as well and seeked few permissions, Jai Hind 🙏 pic.twitter.com/7eoVN1Lidj

— Kangana Ranaut (@KanganaTeam) December 13, 2020

કંગનાએ તે પણ કહ્યું કે, ફિલ્મની સ્ક્રિપ્ટ પણ તેણે રાજનાથ સિંહને ભેટમાં આપી છે અને આ ફિલ્મ માટે આશીર્વાદ પણ માગ્યા છે. તેણે લખ્યું છે, 'આજે ટીમ તેજસે માનનીય રક્ષા મંત્રી રાજનાથ સિંહની મુલાકાત કરી છે. તેમના આશીર્વાદ લીધા છે. અમે અમારી ફિલ્મ તેજની કહાની પણ શેર કરી છે. ઈન્ડિયન એર ફોર્સમાંથી કેટલીક પરમિશન માગી છે. જય હિંદ.' કંગના રનૌતને રક્ષા મંત્રી રાજનાથ સિંહ સાથે વાતચીત કરતા જોઈ શકાય છે. આ તકે કંગનાની બહેન રંગોલી પણ જોવા મળી રહી છે. કોરોના વાયરસને કારણે બધા લોકોએ માસ્ક પહેર્યા છે. થોડા સમય પહેલા કંગનાએ જાણકારી આપી હતી કે તે ફિલ્મ તેજસ માટે તૈયાર થઈ રહી છે. 

કંગના રનૌત બોલીવુડની ટોપ અભિનેત્રી છે. તે ઘણી ફિલ્મોમાં મહત્વની ભૂમિકા નિભાવી ચુકી છે. તેની ફિલ્મ બોક્સ ઓફિસ પર ધૂમ મચાવે છે. કંગનાએ હાલમાં ફિલ્મ થલૈવીનું શૂટિંગ પૂરુ કર્યું છે. આ ફિલ્મમાં તે જે. જયલલિતાની ભૂમિકા નિભાવી રહી છે.