નવી દિલ્હી : સારા અલી ખાન (Sara Ali Khan) જલ્દી કાર્તિક આર્યન સાથે લવ આજકલ-2 માં દેખાશે. સિંબા રિલીઝ થયાને સમય થયો છે પરંતુ તે સતત ચર્ચામાં રહે છે. ક્યારે કાર્તિક સાથેની દોસ્તીને લઇને તો ક્યારેક બિકીની ફોટોને લઇને તે લાઇમ લાઇટમાં રહે છે. હાલમાં તેણીનો એક વીડિયો વાયરલ થઇ રહ્યો છે જેને લઇને તે ચર્ચામાં આવી રહી છે. જેમાં તે અજીબોગરીબ સ્થિતિમાં મુકાઇ જાય છે. જીમમાંથી બહાર આવતાં ફેન્સ દ્વારા ફોટો માટે વિનંતી કરાતાં તેણી ફોટો પડાવવા ઉભી રહે છે આ સંજોગોમાં એક શખ્સ દ્વારા તેણીને કિસ કરવાનો પ્રયાસ કરાતાં સૌ કોઇ ચોંકી ગયા હતા.
શોર્ટ સાથે તેણી જીમમાંથી બહાર આવી રહી હતી ત્યારે ફોટોગ્રાફર્સ દ્વારા તેણીને ફોટો માટે વિનંતી કરવામાં આવે છે. ફોટોગ્રાફર્સ ફોટો પાડી રહ્યા હતા ત્યારે ફેન્સ દ્વારા સારા સાથે સેલ્ફી લેવાનો પ્રયાસ કરે છે. એક મહિલા ફેન સાથે તેણી તસ્વીર ખેંચાવી રહી હતી એવામાં એક શખ્સ દ્વારા સારા સાથે હાથ મિલાવવા આગળ વધાર્યો તો સારાએ પણ હાથ આગળ વધાર્યો તો આ શખ્સ કિસ કરવાનો પ્રયાસ કરે છે.
આ જોતાં જ સારાના બોડીગાર્ડ એ શખ્સને ભગાડી દે છે. આ સ્થિતિ જોતાં સારા એકદમ હેબતાઇ જાય છે પરંતુ દ્રઢ આત્મવિશ્વાસ સાથે સ્માઇલ કરતાં સ્થિતિને હેન્ડલ કરી લે છે. પરંતુ ફેન્સની આ પ્રકારની હરકતો સ્ટાર્સને એમનાથી દુર કરી દે છે.
આપને જણાવીએ કે સારા અલી ખાન હાલમાં જ માલદીવમાં રજાઓ મનાવી પરત ફરી છે. તે માતા અમૃતા અને ભાઇ ઇબ્રાહિમ સાથે ગઇ હતી. સારાની બિકીની તસ્વીરો આ દિવસોમાં સોશિયલ મીડિયામાં ધૂમ મચાવી રહી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
