'ફિલ્મ કુલી નંબર-1નું પહેલું સોન્ગ લોન્ચ' 'વરુણ ધવન અને સારા અલી ખાને કર્યો ધમાકેદાર ડાન્સ'

મુંબઇ: બોલીવુડ એક્ટર વરુણ ધવન અને એક્ટ્રેસ સારા અલી ખાન સ્ટારર ફિલ્મ કુલી નંબર-1નું પહેલું સોન્ગ રિલીઝ થઈ ગયું છે. આ સોન્ગમાં સારા અલી ખાન અને વરુણ ધવનની રોમેન્ટિક કેમેસ્ટ્રી જોવા મળી. સોન્ગ તેરી ભાભીમાં વરુણ ધવન ધમાકેદાર ડાન્સ કરે છે. જો કે આ સોન્ગમાં સારા અલી ખાન પોતાની દિલકશ અદાઓ અને શાનદાર ડાન્સથી ફેન્સને પાગલ કરે છે.

'તેરી ભાભી' સોન્ગ લોકોને આવ્યું પસંદ
કુલી નંબર-1નું આ સોન્ગ રિલીઝ થયાને થોડી જ મિનિટોમાં તેને 1 લાખ લોકોએ જોઈ લીધું હતું. આ સોન્ગને જાવેદ-મોહસીને ગાયું છે સાથે જ નેહા કક્કર અને દેવ નેગીએ પણ પોતાનો આવાજ આપ્યો છે. આ સોન્ગનું મ્યૂઝિક પણ જાવેદે આપ્યું છે. આ સોન્ગ દાનિશ સબરીએ લખ્યું છે. આ તમામ કલાકારોએ તૈયાર કરેલા સોન્ગને લોકો ખૂબ પસંદ કરી રહ્યાં છે.

Aapki Bhabhi ke saath Raju lekar aaya hai #CoolieNo1 ka favourite ganna 🎶🥇🎄#TeriBhabhi song out now! Sparkles https://t.co/ggDajEQV24#CoolieNo1OnPrime, premieres 25th December on @PrimeVideoIN #SaraAliKhan #DavidDhawan
@vashubhagnani@jackkybhagnani@honeybhagnani

— VarunDhawan (@Varun_dvn) December 3, 2020

ફિલ્મનું ટ્રેલર પણ છે ધમાકેદાર
ફિલ્મ કુલી નંબર-1નું ટ્રેલર 28 નવેમ્બરે લોન્ચ થયું હતું. આ ટ્રેલરને વ્યૂઅરે ખૂબ પસંદ કર્યું છે. વરુણ ધવન આ ફિલ્મમાં અલગ-અલગ રોલ કરતાં નજરે પડ્યા. ત્યાં સારા અલી ખાનને એક અમીર ઘરની બતાવવામાં આવી છે. ફિલ્મમાં અમીર બાપનો રોલ પરેશ રાવલ કરી રહ્યા છે. ટ્રેલરમાં વરુણ ધવનની કોમિક ટાઈમિંગ કમાલની જોવા મળી. આ ટ્રેલરમાં સારા અલી ખાન પણ કોમેડી કરતી ખૂબ ક્યૂટ લાગી રહી છે.

ડેવિડ ધવનની આ 45મી ફિલ્મ
આ ફિલ્મને વરુણ ધવનના પિતા ડેવિડ ધવન ડાયરેક્ટ કરી રહ્યા છે. આ ડેવિડ ધવનની 45મી ફિલ્મ છે. આ ફિલ્મ કોમેડીથી ભરપૂર છે. કેમ કે આ ફિલ્મમાં  પોલીસ ઈન્સપેક્ટરના રોલમાં જોની લીવર છે જે શાનદાર કોમેડીથી ફિલ્મમાં ચાર ચાંદ લગાવી દે છે.  આ ફિલ્મની સ્ટોરી ગોવિંદા અને કરિશ્મા કપૂરની ફિલ્મ કુલી નંબર વનથી થોડી જ અલગ છે. કેમ કે, જૂની ફિલ્મમાં ગોવિંદા બસ સ્ટેશનના કુલી બતાવ્યા હતા આ ફિલ્મમાં વરુણ ધવન રેલવે સ્ટેશન પર કુલી છે.  કુલી નંબર-1 જૂની ફિલ્મની જ રિમેક છે. લોકોએ ટ્રેલર અને સોન્ગ જોયા બાદ ફિલ્મની આતુરતાથી રાહ જોઈ રહ્યા છે. આ ફિલ્મ 25 ડિસેમ્બરે રિલીઝ થવાની છે.